ကုလသမဂ္ဂအထွေထွေအတွင်းရေးမှူးချုပ်ဟောင်း ဘန်ကီမွန်းက မြန်မာနိုင်ငံမှာ အကြမ်းဖက်မှုများချက်ချင်းရပ်တန့်ရေး၊ အဖြေတခုရရှိဖို့ အမျိုးသားညီညွတ်ရေးအစိုးရ NUG အပါအဝင် ဘက်ပေါင်းစုံပါဝင်နိုင်ရေးဟာ အရေးကြီးတဲ့အကြောင်း စစ်ခေါင်းဆောင်ဗိုလ်ချုပ်မှူးကြီးမင်းအောင်လှိုင်နဲ့ရော သမ္မတဟောင်းဦးသိန်းစိန်နဲ့တွေ့ဆုံချိန်မှာပါ မစ္စတာဘန်ကီမွန်းက အလေးပေးပြောကြားခဲ့ပါတယ်။

မြန်မာနိုင်ငံကို ရုတ်တရက် လာရောက်ခဲ့တဲ့ The Elders အဖွဲ့ရဲ့ ဒုတိယဥက္ကဋ္ဌ ၊ ကုလသမဂ္ဂ အတွင်းရေးမှူးချုပ်ဟောင်း မစ္စတာဘန်ကီမွန်းက အကြမ်းဖက်မှုတွေ ချက်ချင်းရပ်ပြီး အာဆီယံ ဘုံသဘောတူညီချက် ငါးချက်ကို လက်တွေ့ အကောင်အထည်ဖို့ မြန်မာစစ်ကောင်စီကို တောင်းဆိုလိုက်တာဖြစ်ပါတယ်။