ဘရာဇီးလ်နောက်ခံလူ ဒန်နီအဲလ်ဗက်စ်က မုဒိမ်းမှုကျူးလွန်တဲ့ အမှုစစ်ဆေးမှုကို စောင့်ဆိုင်းနေစဉ် အာမခံနဲ့ လွတ်မြောက်ဖို့ ကြာသပတေးနေ့က စပိန်တရားရုံးကို တောင်းဆိုလိုက်ပါတယ်။
အသက် ၃၉ နှစ်အရွယ် အဆိုပါကစားသမားဟာ ဒီဇင်ဘာလနှောင်းပိုင်းက စပိန်နိုင်ငံရှိ နိုက်ကလပ်တစ်ခုရဲ့ ရေချိုးခန်းထဲမှာ အမျိုးသမီးငယ်တစ်ဦးကို အဓမ္မပြုကျင့်ခဲ့တယ်လို့ စွပ်စွဲခံရပြီးနောက် ဘာစီလိုနာမှာ ဇန်နဝါရီက ထိန်းသိမ်းခံခဲ့ရတာပါ။
တရားရုံးက ဘာစီလိုနာနဲ့ ပီအက်စ်ဂျီကြယ်ပွင့်ဟောင်း အဲလ်ဗက်စ်ကို စုံစမ်းစစ်ဆေးနေတဲ့ တရားရုံးက အဲလ်ဗက်စ်ဟာ ထွက်ပြေးဖို့ ကြိုးပမ်းမယ့် အန္တရာယ်ရှိတယ်လို့ ခံစားရတာကြောင့် သူ့ကို အာမခံမပေးဘဲ ဖမ်းဆီးထိန်းသိမ်းထားတယ်လို့ သိရပါတယ်။
ကစားသမားရဲ့ရှေ့နေတွေဟာ ကြာသပတေးနေ့က သူ့ရဲ့ယာယီလွတ်မြောက်မှုအတွက် တရားရုံးကို တောင်းဆိုခဲ့ပြီး သူဟာ "မိမိကိုယ်ကို ခုခံကာကွယ်လိုပြီး အမှုစစ်ဆေးခြင်းကို ရှောင်လွှဲနိုင်မှာမဟုတ်ဘူး"လို့ အကြောင်းပြပြီး သူတို့က ထုတ်ပြန်ချက်မှာ ပြောပါတယ်။
သူတို့ရဲ့ ပထမအကြိမ်တောင်းဆိုမှုကို ဖေဖော်ဝါရီလက ပယ်ချခဲ့ပြီးနောက် သူ့ရဲ့ တရားရေးအဖွဲ့ဟာ ဒုတိယအကြိမ် သူ့ကို ပြန်လည်လွှတ်ပေးဖို့ တွန်းအားပေးခဲ့တာဖြစ်ပါတယ်။
ဘောလုံးလောကရဲ့ အအောင်မြင်ဆုံးကစားသမားတွေထဲက တစ်ဦးဖြစ်တဲ့ အဲလ်ဗက်စ်ဟာ သူ့ရဲ့ကိုယ်ပိုင်တောင်းဆိုမှုအရ တနင်္လာနေ့က ဘာစီလိုနာတရားရုံးရှေ့မှာ မလာရောက်ခင် အခုလိုနောက်ဆုံးအရွှေ့ဖြစ်လာတာပါ။
- ဘရာဇီးလ်နောက်ခံလူဟောင်း န်နီ အဲလ်ဗက်စ်ဟာ လိင်ပိုင်းဆိုင်ရာ စော်ကားမှု သံသယနဲ့ စပိန်မှာ ထိန်းသိမ်းခံခဲ့ရ
- လိင်ပိုင်းဆိုင်ရာ အကြမ်းဖက်မှုအတွက် ဒန်နီ အဲလ်ဗက်စ်ကို စုံစမ်းစစ်ဆေးနေတယ်လို့ စပိန်တရားရုံး အတည်ပြု
- လိင်ပိုင်းဆိုင်ရာ စော်ကားမှု စွပ်စွဲချက်တွေကြောင့် မက္ကဆီကိုကလပ် ပူးမက်စ်က ဒန်နီ အဲလ်ဗက်စ်ကို ထုတ်ပယ်
တရားသူကြီးထံ အတိုချုံးထုတ်ပြန်ချက်မှာ သူတို့နှစ်ဦး လိင်ပိုင်းဆိုင်ရာ ဆက်ဆံခဲ့တယ်လို့ သူက ဝန်ခံခဲ့ပေမယ့်လည်း ဒါဟာ ကြည်ကြည်သာသာဖြစ်ခဲ့ကြောင်း ပြောတယ်လို့ တရားရေးဆိုင်ရာ သတင်းရင်းမြစ်တွေက ပြောပါတယ်။
အဲလ်ဗက်စ်ဟာ အဆိုပါအမျိုးသမီးကို မသိရှိကြောင်း ကနဦးငြင်းဆိုခဲ့ပြီး နောက်ပိုင်းမှာ သူတို့ဟာ ကြည်ကြည်သာသာ သဘောတူညီမှုရရှိခဲ့ကြောင်း အကြိမ်ပေါင်းများစွာ သူ့ရဲ့ ဇာတ်ကြောင်းကို ပြောင်းလဲခဲ့တယ်လို့ အဆိုပါကိစ္စနဲ့ နီးစပ်တဲ့ သတင်းရင်းမြစ်တွေက ဆိုပါတယ်။
အဲလ်ဗက်စ်ဟာ အခင်းဖြစ်ပွားချိန်မှာ ကာတာမှာ ကျင်းပတဲ့ ကမ္ဘာ့ဖလားပြိုင်ပွဲမှာ ဘရာဇီးအသင်းအတွက် ကစားပေးပြီးနောက် ဘာစီလိုနာမှာ အားလပ်ရက်နေခဲ့တာပါ။
သူအဖမ်းခံရပြီးနောက် အဲလ်ဗက်စ်ကို မက္ကဆီကိုကလပ် ပူးမက်စ်အသင်းက ထုတ်ပယ်ခဲ့ပါတယ်။
အဲလ်ဗက်စ်ဟာ အလွန်အောင်မြင်တဲ့ ကစားသမားဘဝမှာ ဘာစီလိုနာအတွက် ပွဲပေါင်း ၄၀၈ ပွဲ ကစားခဲ့ပြီး ကလပ်အသင်းနဲ့ သူ့ရဲ့ ကစားသမားဘ၀ ပထမဆုံးအကြိမ်မှာ ၃၉၁ ပွဲကို ၂၀၀၈-၂၀၁၆ အတွင်း ပါဝင်ကစားခဲ့ပါတယ်။
အဲဒီကာလမှာ သူဟာ လာလီဂါဖလား ၆ ကြိမ်၊ ချန်ပီယံလိဂ်ဖလား ၃ ကြိမ်နဲ့ ကိုပါဒယ်ရေးဖလား ၄ ကြိမ်တို့ကို ဆွတ်ခူးနိုင်ခဲ့ပါတယ်။
သူဟာ မနှစ်က ကမ္ဘာ့ဖလားပြိုင်ပွဲမှာ ဘရာဇီးလ်ကို ကိုယ်စားပြုတဲ့ အသက်အကြီးဆုံး ကစားသမားဖြစ်လာခဲ့ပါတယ်။
(AFP)
