ပင်လယ်ပြင် နယ်စပ်လုံခြုံရေးအား မြှင့်တင်ရေးနှင့် မှောင်ခိုကုန်ကူးမှုများနှင့် ဥပဒေမဲ့ လုပ်ငန်းများအား တားဆီးကာကွယ်ရေးအတွက် အင်ဒိုနီးရှားနိုင်ငံသည် ကမ်းခြေစောင့်တပ်ကို ဖွဲ့စည်းထူထောင်မည်ဖြစ်ကြောင်း နိုင်ငံ၏ လုံခြုံရေးဆိုင်ရာ ဝန်ကြီးချုပ်က ဗုဒ္ဓဟူးနေ့တွင် ပြောသည်။
“အနာဂတ် အင်ဒိုနီးရှား ကမ်းခြေစောင့်တပ် ဖွဲ့စည်းထူထောင်ရေးအတွက် သမ္မတက အမိန့်ထုတ် ညွှန်ကြားထားတယ်”ဟု မိုဟာမတ် မတ်ရှ်ဖက်ဒ်က ပြောကြောင်း ပြည်တွင်းသတင်းစာ Jakarta Globe က ကိုးကားဖော်ပြသည်။
လက်ရှိ၌ ပင်လယ်ပြင်လုံခြုံရေးနှင့် မှောင်ခိုဥပဒေမဲ့ လုပ်ငန်းများ တားဆီးတို့အတွက် တာဝန်သည် အင်ဒိုနီးရှား ပင်လယ်ပြင်လုံခြုံရေးဌာနက တာဝန်ယူထားရခြင်း ဖြစ်သည်။
အသစ်ဖွဲ့စည်းထူထောင်မည့် ကမ်းခြေစောင့်တပ်အနေဖြင့် ပင်လယ်ပြင် လုံခြုံရေး မြှင့်တင်ရန်၊ ရေပြင်ဘေးကင်းရေး ကျိန်းသေစေရန်နှင့် အင်ဒိုနီးရှား ရေပိုင်နက်အတွင်း ဥပဒေစိုးမိုးမှု ရှိရန်တို့အတွက် အလုံးစုံ တာဝန်ယူရမည် ဖြစ်သည်။
(မိုးသဲ ဘာသာပြန်သည်။)
