စစ်ကိုင်းတိုင်း၊ ယင်းမာပင်မြို့နယ် အရှေ့ခြမ်းနှင့် ဆားလင်းကြီးမြို့နယ် မြောက်ခြမ်းရှိ ကျေးရွာပေါင်းစုံ သပိတ်ကော်မတီနှင့် ဒေသခံပြည်သူများပူးပေါင်းပြီး စစ်ကောင်စီကို ဝင်ငွေဖြည့်တင်းပေး နေသည့် မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) ကို ပိတ်ဆို့အရေးယူရန် မတ်လ ၁၂ ရက် ယနေ့တွင် ချီတက်တောင်းဆိုကြသည်။
လူထုသပိတ်စစ်ကြောင်းသည် “သွေးစွန်းငွေလားရာ MOGE ကို ချက်ချင်းအရေးယူ ပိတ်ဆို့ပေး” စာတန်း ကိုင်ဆွဲပြီး စစ်အာဏာရှင်ဆန့်ကျင်ရေးကြွေးကြော်သံများဟစ်ကြွေးခဲ့ပြီး ကျဆုံးခဲ့သော အာဇာနည်များ ကို အလေးပြုခဲ့ကြသည်။
ယနေ့သည် ရွာပေါင်းစုံသပိတ်ကော်မတီ၏ ဆန္ဒပြပွဲ ရက်ပေါင်း (၇၃၃) ရက်မြောက် အဖြစ် ချီတက်ခြင်း ဖြစ်ကြောင်း သိရသည်။
စာတည်း။ ။စောဖေ