စစ်ကိုင်းတိုင်း ၊ ယင်းမာပင်အတွင်းရှိ သပိတ်စစ်ကြောင်းများ စုပေါင်း၍ စစ်ရေးအရှိန်မြှင့်နေသည့် ညီနောင်သုံးဖော်နှင့် မဟာမိတ်အဖွဲ့များအား အောင်သပြေပန်းများဖြင့် ကြိုဆို ချီတက်မှုကို ယနေ့ နိုဝင်ဘာလ ၁၂ရက်တွင် ပြုလုပ်ခဲ့သည်။
လူထုသပိတ်စစ်ကြောင်းများဖြစ်သော လူငယ့်အားမာန်သပိတ်စစ်ကြောင်း ၊ ယင်းမာပင်- ဆားလင်းကြီးကျေးရွာပေါင်းစုံသပိတ်ကော်မတီ၊ အမျိုးသမီးမဟာမိတ် အင်အားစု(WAB) နှင့် ဒေသခံ ပြည်သူများ ပူးပေါင်းကာ စစ်အာဏာရှင်ဆန့်ကျင်ရေး ကြွေးကြော်သံများ ဟစ်ကြွေးချီတက်ခဲ့ခြင်းဖြစ်သည်။
ထို့ပြင် လူတစုကောင်းစားရေးအတွက် အသက်ပေးနေကြသော စစ်ကောင်စီတပ်ဖွဲ့ ဝင်များအနေဖြင့် ဖက်ဆစ်တပ်ကိုစွန့်ခွာပြီး ပြည်သူ့ရင်ခွင်ကို ခိုဝင်ကြရန်နှင့် နွေးထွေး စွာကြိုဆိုနေကြောင်း ထုတ်ဖော်ပြသခဲ့ကြသည်။
ယင်းမာပင်နှင့် ဆားလင်းကြီးမြို့နယ်အတွင်းရှိ သပိတ်စစ်ကြောင်းများသည် စစ်အာဏာရှင်ကို နေ့စဥ်ရက်ဆက် ဆန့်ကျင်ချီတက်နေကြခြင်းဖြစ်ကြောင်း သိရသည်။
စာတည်း။ ။အောင်ကျော်ဖြိုး
