ဆေးပညာမှာ AD လို့အတို ခေါ်ကြတဲ့ အယ်လ်ဇိုင်းမားရောဂါဟာ မှတ်ဉာဏ်ချို့ယွင်းတဲ့ရောဂါလို့ သတ်မှတ်ထားပြီး အခုအချိန်အထိ ဘာကြောင့် ဖြစ်သလဲဆိုတာ တိတိကျကျ မသိရသေးသလို ထိရောက်တဲ့ ကုသဆေးတွေလည်း မရှိသေးပါဘူး။ အမေရိကန်ပြည်ထောင်စုမှာ အသက် ၆၅ နှစ်အထက် လူ ၆ သန်းခွဲကျော် အယ်လ်ဇိုင်းမားရောဂါ ဝေဒနာ ခံစားနေရတယ်လို့ ဆေးပညာမှတ်တမ်းတွေမှာ ဖေါ်ပြပါတယ်။ ဒီရောဂါဖြစ်ပွားတဲ့ အဓိက ဇာတ်မြစ်ဟာ ဗိုင်းရပ်စ်ပိုးကြောင့် ဆိုတာကို သက်သေပြဖို့ အမေရိကန်ပြည်ထောင်စု Philadelphia မြို့ က Drexel University မှာ ပါရဂူဘွဲ့အတွက် သုတေသန စာတမ်းတစ်ခုကို ပြုစုနေသူတွေထဲမှာ မြန်မာ အမျိုးသမီး Michiko Thwe လဉ်း ပါဝင်ပါတယ်။ သူ့အကြောင်း ဗွီအိုအေ သတင်းထောက် ကိုစံကျော် သွားရောက် မေးမြန်းရိုက်ကူး တင်ပြထားပါတယ်။
