တနင်္သာရီတိုင်း ၊ ထားဝယ်ခရိုင် ၊ လောင်းလုံးမြို့နယ်တွင် ယနေ့ အောက်တိုဘာလ ၈ ရက်နေ့တွင် လူထုသပိတ်လှုပ်ရှားမှု ပြုလုပ်ကြသည်ဟု သိရသည်။
DDMSC ၏အဖွဲ့ဝင်အင်အားစုတခုဖြစ်သည့် LGBT Community က ဦးဆောင်၍ လိင်တူချစ်သူများနှင့် လိင်စိတ်ခံယူမှု ကွဲပြားသူများကို နည်းမျိုးမျိုးဖြင့် ခွဲခြားဆက်ဆံခံရမှုနှင့် အကြမ်းဖက်မှုများကို ဆန့်ကျင်ကန့်ကွက်သည့်အနေဖြင့်ပြုလုပ်ကြခြင်းဖြစ်သည်။
အဆိုပါ လှုပ်ရှားမှုကို လောင်းလုံးမြို့နယ်အတွင်းရှိ ကျေးရွာတရွာတွင် ပြုလုပ်ကြခြင်းဖြစ်ပြီး ဒေသခံ အမျိုးသမီးများနှင့် လူငယ်အများအပြား၏ ပူးပေါင်းပါဝင်မှုနှင့်အတူ “မတူကွဲပြားမှုကို လက်ခံပြီး ခွန်အားအဖြစ် ပေါင်းစည်းကြ” စာသားပါဘန်နာကို ကိုင်ဆွဲ ချီတက်ကြကြောင်း သိရသည်။
စာတည်း ။ ။ ဖူးသိမ်ကျ
