စစ်ကိုင်းတိုင်း၊ အရာတော်မြို့နယ်တွင် စစ်ကောင်စီတပ်ဖွဲ့ဝင်များရှိသည့် ငွေတွင်းကျေးရွာကို ဩဂုတ်လ ၂၆ ရက် ညပိုင်းတွင် ဒရုန်းဖြင့် ဗုံသီးချတိုက်ခိုက်ခဲ့ကြောင်း ကျောက်ဆည်ခရိုင်တပ်ရင်း (၁) နဂါးနီတပ်ရင်းထံက သိရသည်။
“အရင်ဆုံး ပင်မအဆောင်ကြီးပေါ်ကို အရင်ချတယ်။ တချို့ ၀ရုန်းသုန်းကားနဲ့ ဘန်ကာတွေထဲ ပြေးဝင်ကြတယ် ။ အဲ့ကတုတ်ကျင်းနဲ့ ဘန်ကာတွေပေါ်ကို နောက်တကြိမ် ထပ်ချတယ်။ ကတုတ်ကျင်းတွေ ဘန်ကာတွေထဲမှာ လေးကောင်အတိအကျ သေတယ် ။ ပင်မဆောင်ကြီးထဲမှာ ၂၆ ကောင် သေတယ်လို့ သိရတယ်” ဟု နဂါးနီတပ်ရင်းမှ ဒုတပ်ရင်းမှူး ဆရာလေးက ပြောသည်။
ငွေတွင်းကျေးရွာကို တိုက်ခိုက်ရာတွင် ဒရုန်းနှစ်စီးဖြင့် လေးကြိမ်ပျံသန်းကာ ၁ ပိဿာ ၃၀ သား အလေးချိန်ရှိသည့် ဗုံးသီးရှစ်လုံး ကြဲချတိုက်ခိုက်ခဲ့ခြင်းဖြစ်သည်ဟု ၎င်းကပြောသည်။
ငွေတွင်းကျေးရွာမှ စစ်ကောင်စီတပ်ဖွဲ့ နှင့် ပျူစောထီးအဖွဲ့ဝင်များသည် စစ်ကောင်စီတပ်ဖွဲ့ စစ်ကြောင်းများကို အင်အားဖြည့်တင်းပေးခြင်း၊ အနီးအနားရှိ ကျေးရွာများကို စစ်ကြောင်းထိုးရန်တောင်းဆိုခြင်းများ ပြုလုပ်လေ့ရှိသည်ဟုလည်း နဂါးနီတပ်ရင်းမှ ဒုတပ်ရင်းမှူးဆရာလေးက ပြောသည်။
“သူတို့ ရွာနားကပ်တယ်ဆိုတာနဲ့ အကုန်ပစ်တာ၊ သူတို့ ရွာအနားက လယ်တွေမှာ လယ်လာလုပ်သူတွေဆိုလည်း ပစ်ခံရတာပဲ “ ဟု ၎င်းကပြောသည်။
ယခုတိုက်ခိုက်မှုကို ကျောက်ဆည်ခရိုင် ဒရုန်းတပ်ဖွဲ့က ဦးဆောင်၍ ကျောက်ဆည်ခရိုင်တပ်ရင်း(၁)(နဂါးနီတပ်ရင်း)၊ ရွှေဘိုခရိုင်တပ်ရင်း(၁၅)၊ ဆားတောင်မိုးကြိုး(Local PDF)နှင့် lighting drone force မဟာမိတ်တပ်ဖွဲ့များက ပူးပေါင်းဆောင်ရွက်ခဲ့ခြင်းဖြစ်ကြောင်း ထုတ်ပြန်ထားသည်။
စာတည်း။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး
