စစ်ကိုင်းတိုင်း၊ ယင်းမာပင်မြို့နယ်နှင့် ဆားလင်းကြီးမြို့နယ်အတွင်းရှိ ကျေးရွာများ စုပေါင်း၍ ကျဆုံး အာဇာနည်သူရဲကောင်းအား ချီတက်အလေးပြုပွဲနှင့် စစ်အာဏာရှင်ဆန့်ကျင်ရေးဆန္ဒပြပွဲကို ယနေ့ ဩဂုတ်လ ၂၇ ရက်တွင် ပြုလုပ်ခဲ့သည်။
လူထုသပိတ်စစ်ကြောင်းသည် ၂၀၂၁ ခုနှစ် မတ်လ ၂၇ ရက်နေ့တွင် စစ်ကောင်စီတပ်ဖွဲ့၏ အကြမ်းဖက် ဖြိုခွင်းမှုကြောင့်ကျဆုံးခဲ့ရသည့် အာဇာနည်သူရဲကောင်း ကိုချမ်းမြေ့ကျော်အတွက် နှစ်နှစ် ၊ ငါးလမြောက် အထိမ်းအမှတ်အဖြစ် ၎င်း၏ဂူဗိမာန်တွင် ချီတက်အလေးပြုခဲ့ကြခြင်းဖြစ်သည်။
ထို့အတူ “ဖက်ဆစ်စိတ်ဓါတ် အမြစ်ဖြတ်” စာတမ်းကို ကိုင်ဆောင်ပြီး စစ်အာဏာရှင်ဆန့်ကျင်ရေး ရက် ပေါင်း (၈၈၈) ရက်မြောက်အဖြစ် ကြွေးကြော်သံများ ဟစ်ကြွေးချီတက်ကြသည်။
ယင်းမာပင်မြို့နယ်နှင့် ဆားလင်းကြီးမြို့နယ်အတွင်းရှိ ကျေးရွာပေါင်းစုံ သပိတ်စစ်ကြောင်းသည် ၂၀၂၁ ခုနှစ် မတ်လ ၉ ရက်နေ့မှ စတင်ကာ စစ်အာဏာရှင် ကိုဆန့်ကျင်ဆန္ဒပြခဲ့ကြခြင်း ဖြစ်သည်။
စာတည်း။ ။ ဖူးသိမ်ကျ
