စစ်ကောင်စီလက်အောက်ခံ ပြည်ထောင်စုရွေးကောက်ပွဲကော်မရှင်က ဖျက်သိမ်းကြောင်း ကြေညာတဲ့ ပါတီ ၄၀ အနက် စစ်တပ်က အာဏာမသိမ်းခင် ၂၀၂၀ ပြည့်နှစ်၊ ဩဂုတ်လအတွင်းက စစ်ကောင်စီ ခေါင်းဆောင် မင်းအောင်လှိုင်ထံ ရွေးကောက်ပွဲနဲ့ ပတ်သက်ပြီး သွားရောက်တွေ့ဆုံခဲ့တဲ့ ပါတီတွေထဲက ပါတီ ၁၀ ခုလည်း ပါဝင်တာ တွေ့ရပါတယ်။
ဥပေဒသစ်အရ ငွေကြေးအင်အား၊ လူအင်အား မတတ်နိုင်တာကြောင့် မှတ်ပုံပြန်မတင်တာ ဖြစ်တယ်လို့ ကယားပြည်နယ်ဒီမိုကရက်တစ်ပါတီနဲ့ အမျိုးသားတိုးတက်မြင့်မားရေးပါတီတွေက မဇ္ဈိမကို ပြောပါတယ်။
မှတ်ပုံပြန်မတင်တဲ့ ပါတီတွေကို မတ်လ ၂၉ ရက်နေ့ကစပြီး ဖျက်သိမ်းလိုက်တယ်လို့ စစ်ကောင်စီက ကြေညာခဲ့ပြီး အဲဒီပါတီတွေထဲမှာ အင်အားကြီးပါတီတွေ ဖြစ်ကြတဲ့ NLD ပါတီနဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ (SNLD) တို့လည်း ပါဝင်ပါတယ်။
တည်းဖြတ်/တင်ဆက် = ဂျူချန်း