ဘရူနိုင်း၊ ကမ္ဘောဒီးယား၊ ဖိလစ်ပိုင်၊ အင်ဒိုနီးရှား၊ မလေးရှား၊ မြန်မာ၊ ထိုင်း၊ စင်ကာပူ၊ ဗီယက်နမ်နှင့် အလှည့်ကျဥက္ကဌနေရာယူထားသူ လာအိုတို့ ပါဝင်သည့် အာဆီယံဆယ်နိုင်ငံကြား ပူးပေါင်းမှုနှင့် ယုံကြည်မှု ခိုင်မာရေး လုပ်ငန်းစ်များ ဆွေးနွေးရန် မတ် ၁၄ ရက် ဗီယက်နမ်တွင် အာဆီယံနိုင်ငံများမှ စစ်ခေါင်းဆောင်များ တွေ့ဆုံဆွေးနွေးခဲ့ကြသည်။
အစည်းအဝေးတွင် ၂၀၁၆-၁၈ စစ်ရေးပူးပေါင်းဆောင်ရွက်မှုများနှင့် ထောက်လှမ်းရေးချိတ်ဆက်မှုများအကြောင်းကို ဆွေးနွေးခဲ့သည်။
အစည်းအဝေးအဖွင့်တွင် လာအိုကာကွယ်ရေးဦးစီးချုပ် ဗိုလ်ချုပ် Souvone Luongbounmi က ဒေသတွင်းနှင့် တစ်ကမ္ဘာလုံးဆိုင်ရာ လုံခြုံရေးတွင် အာဆီယံအသိုက်အဝန်း တည်ထောင်ရေးဖိုရမ်၏ အရေးပါမှုအား ဦးစားပေးပြောကြားခဲ့သည်။
စိန်ခေါ်မှုများရှိလင့်ကစား ယင်းဖိုရမ်က အကျိုးအမြတ်များ ရရှိလိမ့်မည်ဖြစ်ကြောင်း ၎င်းက ပြောသည်။
သို့သော် အာဆီယံဒေသတွင်း၌ နယ်မြေဒေသများ ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးရေးတို့ကို အလျင်ဦးစွာ အဆောတလျင်ဖော်ဆောင်ရမည်ဖြစ်ကြောင်း ၎င်းက ပြောကြားခဲ့သည်။
