အပြောင်းအလဲကြီးကြီးမားမားကိုဦးတည်သော အပြောင်းအလဲအငယ်များဖြစ်ပေါ်ခြင်း သို့မဟုတ် အဖြစ်အပျက်များဖြစ်ခြင်းကို Tipping point ဝင်သည်ဟု ဆိုကြသည်။ စစ်ဆင်ရေး ၁၀၂၇ ဖြင့် ရှမ်းပြည်မြောက်ပိုင်းတွင် မြောက်ပိုင်းမဟာမိတ်ညီနောင်သုံးဖော်၏ ထိုးစစ်ဆင်စခန်းသိမ်း၊ မြို့သိမ်းတိုက်ပွဲများနှင့် နောက်ဆက်တွဲ စစ်ဆင်ရေးများနှင့် စစ်ကောင်စီတပ်များမရှုမလှရှုံးနိမ့်မှုများကြောင့် စစ်ရေးလေ့လာသူများက မြန်မာစစ်တပ်အတွက် Tipping point ရောက်ပြီဟု ပြောကြသည်။
ရန်ကုန်မှာ ပြန်ဆုံကြဖို့အရေး ဘယ်လောက်ကြာနိုင်လဲဆိုသောအမေးကို မြန်မာ့အရေးလေ့လာသူ အမေရိကန်စစ်တပ် အငြိမ်းစားဒုဗိုလ်မှူးကြီး ဒေါ်မီမီဝင်းဘတ်က "နှစ်နဲ့ချီ စောင့်နေစရာမလိုဘူးလို့ပြောလို့ရတယ်" ဟု မဇ္ဈိမနှင့် Exclusive Interview တွင် ပြောကြားသွားသည်။