ချင်းပြည်နယ်၊ ပလက်ဝမြို့နယ်အတွင်းမှာ တပ်မတော်နှင့် ရခိုင်လက်နက်ကိုင် အဖွဲ့(AA)တို့ကြား ဖြစ်ပွားနေ သော တိုက်ပွဲများကြောင့် ပလက်ဝမြို့နယ်အတွင်းရှိ ဒေသခံများသည် နေရပ်စွန့်ခွာ ထွက်ပြေး တိမ်းရှောင်နေ ကြရသည်။
အဆိုပါ တိုက်ပွဲရှောင်များသည် လက်ရှိတွင်လည်း နေစရာ အိမ်မှာလိုအပ်နေသကဲ့သို့ စားနပ်ရိက္ခာများလည်း ပြတ်လပ်မှုဖြင့် ကြုံတွေ့နေရခြင်းကြောင့် ချင်းပြည်နယ်က တိုက်ပွဲရှောင်များ၏ ဘဝလုံခြုံရေးကို အစိုးရက မည်သို့ ဆောင်ရွက်ပေးရန် အစီအစဉ်ရှိသလဲဆိုသည့်အပေါ် ချင်းပြည်နယ်အစိုးရအဖွဲ့ ၊ စည်ပင်သာယာ၊ လျှပ်စစ်နှင့်စက်မှုလက်မှုဝန်ကြီး ဦးစိုးထက်ကို မဇ္ဈိမ မီဒီယာမှ အယ်ဒီတာ ချစ်မင်းထွန်းက ဆက်သွယ် မေးမြန်း ထားပါသည်။
