ရောမ၊ သြဂုတ် ၂၄ ။ ။ အီတလီနိုင်ငံ နော်စီယာမြို့အနီးတွင် သြဂုတ် ၂၄ ရက်အစောပိုင်းက အင်အား ၆ ဒဿမ ၂ အဆင့် ငလျင်လှုပ်ကြောင်း အမေရိကန်ဘူမိတိုင်းတာရေးက ပြောသည်။
ငလျင်ဗဟိုမှ ၁၀၅ မိုင်အကွာ မြို့တော် ရောမပြည်သူများ ငလျင်ဒဏ်ကြောင့် လန့်နှိုးခဲ့သည်။ ငလျင်လှုပ်ချိန်က ဒေသစံတော်ချိန် နံနက် ၃ နာရီ ၃၆ မိနစ်တွင်ဖြစ်သည်။ အဆောက်အအုံများ ပြိုကျသည့် သတင်းများကြားရကြောင်း အီတလီ မီးသတ်ဌာန ပြောရေးဆိုခွင့်ရှိသူ ပြောပြီး အသေးစိတ်ပြောကြားခြင်း မရှိပေ။
အမေရိကန် ဘူမိတိုင်းတာရေးက အစောပိုင်း၌ ငလျင်အင်အား ၆ ဒဿမ ၄ ရှိပြီး မြေအောက် ၆ ဒဿမ ၂ မိုင်ကို ဗဟိုပြုလှုပ်ကြောင်း အစောပိုင်းက ပြောထားသည်။ “ကျွန်တော် ဘဝတစ်သက်တာမှာ အဆိုးဝါးဆုံး ငလျင်ပါ။”ဟု ဒေသခံတစ်ဦးက ပြောသည်။
အစိုးရက နိုင်ငံ၏ မြို့ပြကာကွယ်ရေးအေဂျင်စီနှင့် လက်တွဲလုပ်ဆောင်လျက်ရှိကြောင်း သမ္မတရန်ဇီ၏ ပြောရေးဆိုခွင့်ရှိသူက တွစ်တာတွင် ပြောသည်။
