အမျိုးသားညီညွှတ်ရေးအစိုးရအနေနဲ့ ပြည်သူကာကွယ်ရေးနဲ့ ဖက်ဒရယ်ယူနစ်အားကောင်းတဲ့ နေရာဒေသတွေမှာ သီးခြားလွတ်လပ်တဲ့ Federal Net အင်တာနက်ကွန်ရက်ကို တိုးချဲ့ဖို့ စီစဉ်ဆောင်ရွက်နေပါတယ်။

လက်ရှိချိန်ထိ နေရာဒေသ ၅၂ နေရာမှာ အင်တာနက်ကွန်ရက်ကို တပ်ဆင်နိုင်ခဲ့ပြီး မြို့နယ် ၅ မြို့နယ်မှာ အင်တာနက် ဆက်သွယ်ရေး မြန်နူန်းမြှင့် သုံးစွဲနိုင်ဖို့ဆောင်ရွက်သွားမယ်လို့ အမျိုးသားညီညွှတ်ရေးအစိုးရ၊ဆက်သွယ်ရေး သတင်းအချက်အလက်နှင့် နည်းပညာဝန်ကြီးဌာန ပြည်ထောင်စုဝန်ကြီး ဦးထင်လင်းအောင်ကပြောပါတယ်။

အင်တာနက် ဆက်သွယ်ရေး မြန်နူန်းမြှင့် သုံးစွဲနိုင်ဖို့အတွက် Federal Net Campaign ကို နည်းပညာဝန်ကြီးဌာနက နိုဝင်ဘာလ ၂၀ ရက်နေ့ကနေ တလကြာဆောင်ရွက်ဖို့ရှိနေပါတယ်။

Federal Net Campaign လူမှုကွန်ရက်စာမျက်နှာကနေ ဖော်ပြထားမယ့် နိုင်ငံတကာရန်ပုံငွေရှာဖွေရေးအဖွဲ့တွေ ကနေတဆင့်ပါဝင်လှူဒါန်းနိုင်တယ်လို့လည်းအမျိုးသားညီညွှတ်ရေးအစိုးရ  နည်းပညာဝန်ကြီးဌာနတာဝန်ရှိသူကပြောပါတယ်။

တင်ဆက်၊တည်းဖြတ် - KMN