ရီးယဲလ်မက်ဒရစ်အသင်းဟာ ဖီနာဘာချီအသင်းမှ အသက် ၁၈ နှစ်အရွယ် တူရကီ playmaker ကစားသမား အာဒါ ဂူလာကို အပြီးသတ်ခေါ်ယူလိုက်ပြီဖြစ်ပါတယ်။

အင်္ဂလန်လက်ရွေးစင်ကစားသမား ဂျူဒီ ဘယ်လင်ဂမ်နဲ့ ပူးပေါင်းမယ့် "တူရကီမက်ဆီ"လို့ အမည်ပေးထားတဲ့ ကစားသမားဟာ အင်္ဂလန်လက်ရွေးစင်ကစားသမား ဘာနေဗျူးမှာ ၆ နှစ်စာချုပ် ချုပ်ဆိုထားတာပါ။

ဂူလာဟာ ပြီးခဲ့တဲ့ရာသီက လေးဂိုး သွင်းယူကာ ဂိုးဖန်တီးမှု လေးကြိမ် ပြုလုပ်ပေးခဲ့ပြီး တူရကီဖလား ဗိုလ်လုပွဲမှာ အကောင်းဆုံးပွဲစဉ် ကစားသမားဆု ရယူနိုင်ခဲ့သူဖြစ်ပါတယ်။

ပြီးခဲ့တဲ့လက သူဟာ တူရကီအသင်းအတွက် ဂိုးသွင်းနိုင်တဲ့ အသက်အငယ်ဆုံး ကစားသမား ဖြစ်လာခဲ့ပါတယ်။

ဂူလာဟာ သူ့ရဲ့ ဖီနာဘာချီအသင်းအတွက် ၁၆ နှစ်အရွယ်မှာ ပထမဆုံးပွဲထွက်ကစားခဲ့ပြီး ပထမဆုံး စူပါလီပြိုင်ပွဲမှာ ဂိုးဖန်တီးမှုလည်းပြုလုပ်ခဲ့ပါတယ်။ သူဟာ ပြီးခဲ့တဲ့ ရာသီက နံပါတ် ၁၀ ဂျာစီကို ပေးအပ်ခံခဲ့ရပါတယ်။

ဥရောပထိပ်တန်းကလပ်အသင်းတစ်သင်းကို ပြောင်းရွှေ့ဖို့ ကာလအတန်ကြာ ချိတ်ဆက်နေခဲ့ရာမှာ ရီးယဲလ်မက်ဒရစ်ဟာ ပရီးမီးယားလိဂ်သုံးသင်းဖြစ်တဲ့ အာဆင်နယ်၊ မန်ချက်စတာယူနိုက်တက်နဲ့ နယူးကာဆယ်တို့အပြင် ဘိုင်ယန်မြူးနစ်နဲ့ ပီအက်စ်ဂျီတို့ကိုပါ ကျော်ပြီး ခေါ်ယူနိုင်ခဲ့တာပါ။

ရီးယဲလ်အသင်းက ပြောင်းရွှေ့ကြေး မဖော်ပြခဲ့ပေယ့် ယူရို သန်း ၂၀ ဝန်းကျင် ပေးချေရဖွယ်ရှိနေတယ်လို့ သိရပါတယ်။

ဂူလာဟာ ရီးယဲလ်အသင်းမှာ စိတ်လှုပ်ရှားဖွယ်ရာ လူငယ်မျိုးဆက်သစ်များထဲကမှ နောက်ဆုံးရောက်ရှိလာသူဖြစ်ပြီး ဘယ်လင်ဂမ်၊ ဗီနီစီးယပ်စ် ဂျူနီယာ၊ ရိုဒရီဂို၊ အော်ရီလီယန် ချူအာမီနီ၊ ကာဗင်ဂါတို့နဲ့ ပူးပေါင်းမှာဖြစ်ပါတယ်။