ဇန်နဝါရီလ ၂၇ ၊ ၂၀၂၁

အင်မရန်ခန်းဦးဆောင်သော အစိုးရသည် အတိုက်အခံများကို တွေ့ဆုံဆွေးနွေးရန် “တောင်းဆိုနေပြီ”ဟု ပါကစ္စတန်မွတ်စလင်အဖွဲ့ချုပ် - နဝက်ဇ်(PML-N) ဒုတိယ ဥက္ကဋ္ဌ မာယမ်နဝက်ဇ်က အင်္ဂါနေ့တွင် ပြောကြားခဲ့သည်။ ။
 
မာယမ်နဝက်ဇ်က ပြောကြားရာတွင် “သူတို့ (အစိုးရအဖွဲ့ဝင်များ) က အတိုက်အခံတွေ ကို တွေ့ဆုံဆွေးနွေးပွဲအတွက် တောင်းဆိုနေပုံနဲ့ ပတ်သက်ပြီး အသေးစိတ် ပြောပြလိုက်ရင် အံ့ဩသွားလိမ့်မယ်”ဟု သောကြာနေ့က အမျိုးသားလွှတ်တော် အစည်းအဝေး မစတင်မီ အတိုက်အခံခေါင်းဆောင်များနှင့် အစိုးရအဖွဲ့များနှင့် တွေ့ဆုံဆွေးနွေးမှုနှင့် ပတ်သက်၍ မေးခွန်းတစ်ခုတွင် ပြန်လည်ပြောကြားခဲ့သည်။

အတိုက်အခံများအနေဖြင့် အစည်းအဝေးများမှ နုတ်ထွက်မှုများကို သင့်လျော်သောအချိန်တွင် ၁၀ ပါတီ ပါကစ္စတန်ဒီမိုကရက်တစ် လှုပ်ရှားမှု (PDM) အတွင်း သဘောတူညီမှုဖြင့် တင်ပြလိမ့်မည်ဟု သူမကဆိုသည်။

 “နှုတ်ထွက်မှုတွေကို တင်ပြပြီး ရှည်လျားတဲ့ ချီတက်ပွဲကို ပြုလုပ်လိမ့်မယ်” ဟု ပြောပြီး လက်ရှိ “အရည်အချင်းမရှိသောအစိုးရ”သည် ဆက်လက်၍ အာဏာမတည်ရှိတော့ဟု သူမကပြောသည်။ သူသည် ၂၀၂၁ ခုနှစ်ကို ရွေးကောက်ပွဲနှစ်အဖြစ် ကြေညာခဲ့သည်။

အမျိုးသားလွှတ်တော်နှင့် အထက်လွှတ်တော်ရှိ ပါတီပါလီမန်အဖွဲ့များ အစည်းအဝေးတွင် တက်ရောက်စဉ် မာယမ်သည် အထက်ပါဖော်ပြချက်ကို ပြောကြားခဲ့သည်။

ထို့အပြင် PML-N သည် အစိုးရအား တာဝန်ခံမှုဆိုင်ရာ ဥပဒေများအား ပြောင်းလဲခွင့်ပြုလိမ့်မည်မဟုတ်ဟု မာယမ်က ပြောကြားခဲ့ပြီး လက်ရှိအုပ်ချုပ်သူများသည် အတိုက်အခံများအတွက် NAB (တာဝန်ခံမှုဗျူရို) နှင့် ရင်ဆိုင်ရလိမ့်မည်ဟု ပြောကြားခဲ့သည်။

 တစ်ချိန်တည်းမှာပင် ပါကစ္စတန်မူဆလင်အဖွဲ့ချုပ် (PML-N) ပါလီမန်အမတ်များက မည်သည့်ကိစ္စနှင့်မျှ အစိုးရနှင့် တွေ့ဆုံဆွေးနွေးမှုများ မပြုလုပ်ရန်သံဓိဌာန်ချခဲ့ကြပြီး သူတို့၏ ပါတီ၏ အထွတ်အမြတ် ခေါင်းဆောင် နဝက်ဇ်ရှရစ်၏ ခေါင်းဆောင်မှုကို အပြည့်အဝ ယုံကြည်မှုရှိကြသည်။

ပါကစ္စတန်ပြည်သူ့ပါတီ (PPP) ၏ ဝန်ကြီးချုပ် အင်မရန်ခန်းအား “လုပ်ဆောင်ခြင်းမပြုနိုင်အောင်” မယုံကြည်မှုလှုပ်ရှားမှုအား ရွှေ့ပြောင်းရန် အဆိုပြုချက်ကိုလည်း သူတို့ကထုတ်ပြန်ခဲ့သည်။

နဝက်ဇ်ရှရစ်အပေါ် ပါတီဝင်များ၏ ထောက်ခံမှုသည်”ထူးခြား”သောကြောင့် PML-N သည် အယူဝါဒဆိုင်ရာ ပါတီတစ်ခုဖြစ်လာခဲ့သည်ဟု နောက်ပိုင်းတွင် မာယမ်က သူမ၏တွစ်တာ လူမှုမီဒီယာအကောင့်မှ တဆင့်ပြောကြားခဲ့သည်။

  “ပါတီက နဝက်ရှရစ်ရဲ့ ဦး ဆောင်မှုအောက်မှာ ယခင်ကထက် ပိုပြီး စိတ်နှစ်မှုရှိပြီး စည်းလုံးမှုရှိခဲ့တယ်။ ထောက်ခံမှုနဲ့ လုပ်ဆောင်မှုများတွေက ထူးခြားသည်။ ဒါကအယူဝါဒဆိုင်ရာ  PML-N Alhamdulillah
အသစ်ပဲ”ဟု PML-N အစည်းအဝေးတွင် ဓာတ်ပုံများနှင့်အတူ မာယမ်ကရေးခဲ့သည်။

အစည်းအဝေးအတွင်း PML-N သည် နိုင်ငံရေးအခြေအနေနှင့် ပတ်သက်၍ ဆွေးနွေးခြင်းအပြင် အဖွဲ့အစည်းဆိုင်ရာ ကိစ္စရပ်အချို့ကိုလည်း ပြောဆိုခဲ့သည်။

နှစ်နာရီကြာ ကြာမြင့်သော အစည်းအဝေးပြီးနောက် ပါတီသည် PML-N ပါလီမန်အမတ်များ၏ ရိုးသား ဖြောင့်မတ်သော ဆုံးဖြတ်ချက် မိတ္တူကို မီဒီယာသို့ ထုတ်ပြန်ခဲ့သည်။

ယခုဆုံးဖြတ်ချက်သည် PML-N Quaid Nawaz Sharif ၏ ဇာတ်ကြောင်းနှင့် သူယူထားသည့် အဓိကရာထူးကို အပြည့်အဝထောက်ခံကြောင်း ကြေငြာခဲ့သည်။ “နဝက်ရှရစ်က နိုင်ငံရဲ့ ကြီးမားတဲ့ အန္တရာယ်တွေအတွက် အကြောင်းပြချက်အမှန်ကို ထောက်ပြရုံသာမက ပြည်သူလူထုကို ဒီခက်ခဲပြီး အဆင်မပြေတဲ့ အမှန်တရားတွေကို ချပြခြင်းအားဖြင့် သူက စစ်မှန်တဲ့ မျိုးချစ်စိတ်ဓာတ်ရှိကြောင်း သက်သေပြခဲ့တယ်”ဟု ထုတ်ပြန်ချက်တွင် ပါရှိသည်။
 
ရှရစ်ဖ်၏ “ပြန်လည်ထူထောင်ရေးကို ပြန်လည်ရရှိခြင်းသည် တစ်နိုင်ငံလုံး၏ အသံဖြစ်လာသည်” ဟု ဆုံးဖြတ်ချက်တွင် PML-N အဖွဲ့ဝင်များက ပြောကြားခဲ့သည်။ “ခေါင်းဆောင်ရဲ့အမြင်၊ ဇာတ်ကြောင်းနဲ့ ထိုးထွင်းသိမြင်မှုအရ ပါတီအနေနဲ့ ဒီပြဿနာတွေကို ဖြေရှင်းဖို့ အဆိုပြုထားတဲ့ လမ်းကြောင်းကို မှန်ကန်တဲ့ လမ်းကြောင်းအဖြစ် ရှုမြင်ပါတယ်" ဟု ၎င်းကထပ်လောင်းပြောကြားခဲ့သည်။
 
 ပါကစ္စတန်နိုင်ငံသည် ပြည်တွင်း၌သာမက ပြည်ပ၌ပါလျှင် “ပျက်ကွက်သောနိုင်ငံ” ဖြစ်လာသည်ဟု PML-N ကဆိုသည်။ တစ်ဖက်တွင် အမျိုးသားပိုင်ဆိုင်မှုများကို သိမ်းဆည်းနေပြီး တစ်ဖက်တွင် ပါကစ္စတန်၏ပုံရိပ်ကို နိုင်ငံတကာနယ်ပယ်တွင် ညစ်ညမ်းစေကာ  ဒီ “အမျိုးသားအရှက်ကွဲခြင်း”အတွက် တာဝန်သည် “အရည်အချင်းမရှိ သူခိုးနှင့် နိုင်ငံခြားချမှတ်ထားသည့်အစိုးရ” အပေါ် မူတည်သည်ဟု ၎င်းကပြောကြားခဲ့သည်။

အစည်းအဝေးက တိုင်းပြည်၏ စီးပွားရေးအခြေအနေနှင့် ပတ်သက်၍ အလေးအနက် စိုးရိမ်ကြောင်း ထုတ်ဖော်ပြောကြားခဲ့သည်။ တစ်နိုင်ငံလုံး လျှပ်စစ်ဓာတ်အား ပြတ်တောက်မှုနှင့် ပတ်သက်၍ စုံစမ်းစစ်ဆေးရန် တောင်းဆိုထားသည်။

 PML-N သည် ပါကစ္စတန် ရွေးကောက်ပွဲကော်မရှင် (ECP) အား ခြောက်နှစ်တာကာလအတွင်း နိုင်ငံခြားရန်ပုံငွေကိစ္စရပ်များအား ထုတ်ဖော်ပြောဆိုခြင်းအား တားဆီးခဲ့သည်ဟု စွပ်စွဲခဲ့သည်။ လျှို့ဝှက်ဘဏ်စာရင်း ၂၃ ခုအပါအဝင် စာရွက်စာတမ်းအားလုံးကို အများပြည်သူသိရှိအောင် ပြုလုပ်ပေးရန်နှင့် ၎င်း၏လုပ်ထုံးလုပ်နည်းများကို လူသိရှင်ကြားပြုလုပ်ရန် ပါတီက တောင်းဆိုခဲ့သည်။

အစည်းအဝေးသည် တရုတ် - ပါကစ္စတန်စီးပွားရေးစင်္ကြံ (CPEC) အာဏာပိုင်ဥပဒေကြမ်းနှင့် ၎င်း၏ ကင်းလွတ်ခွင့်ကို ပြစ်တင်ရှုတ်ချလိုက်ပြီး အကျင့်ပျက်ခြစားမှုများနှင့် ပတ်သက်၍ အငြင်းပွားမှုများနှင့် စွပ်စွဲမှုများ ရင်ဆိုင်နေသည့် အငြိမ်းစားဒုဗိုလ်ချုပ်ကြီး Asim Saleem Bajwa သည် CPEC ကဲ့သို့ အထိခိုက်မခံသော စီမံကိန်း၏ အကြီးအကဲ မဖြစ်သင့်ကြောင်းနှင့် အမျိုးသား အကျိုးစီးပွား ဆန့်ကျင်ခဲ့နေကြောင်း ပြောခဲ့သည်။

 အစောပိုင်းတွင် Bajwa သည် အမေရိကန်၊ ယူအေအီးနှင့် ကနေဒါရှိ သူ၏ ကုမ္ပဏီများနှင့် လုပ်ငန်းခွဲများ ၁၀၀ ကျော် အပါအဝင် ကမ်းလွန်စီးပွားရေးလုပ်ငန်းများတွင် ပါဝင်နေကြောင်း ဒေသခံမီဒီယာများက ဖော်ထုတ်ခဲ့သည်။

၂၀၁၉ခုနှစ်တွင် ဝန်ကြီးချုပ် အင်မရန်ခန်းသည် တရုတ်ပြည်သို့မလာမီ CPEC အာဏာပိုင်အဖွဲ့ တည်ထောင်ရန် အမိန့်ထုတ်ပြန်ခဲ့ပြီး Bajwa ကို ဥက္ကဌအဖြစ် ခန့်အပ်ခဲ့သည်။ အစောပိုင်းတွင် စီမံကိန်းနှင့် ဖွံ့ဖြိုးရေးဝန်ကြီးဌာနသည် CPEC စီမံကိန်းများကို ကြီးကြပ်ခဲ့သည်။