မဇ္ဈိမ ၂

ရောဂါပိုးကင်းစင်သဖြင့် ဆေးရုံဆင်းခွင့်ပြုသော COVID-19 ကူးစက်ခံထားရသော လူနာ ၁၀ ဦးတွင် ခရစ်ယာန်တရားဟောဆရာ ဒေးဗစ်လားလည်းပါဝင်သည်ကို ကျန်းမာရေးနှင့် အားကစားဝန်ကြီးဌာန၏ ယမန်နေ့ညထုတ်ပြန်ချက်အရ သိရသည်။

• စောဒေးဗစ်လားအမှုကို စွဲချက်တင်ပြီး ဆက်လက်စစ်ဆေးရန် တရားရုံးဆုံးဖြတ်

အငြင်းပွားဖွယ်ရာဟောပြောမှုများရှိခဲ့သူ ဒေဗစ်လားသည် ဝတ်ပြုဆုတောင်းပွဲအချို့ကို အွန်လိုင်းမှတိုက်ရိုက်ထုတ်လွှင့်ပြုလုပ် ဟောပြောခဲ့ရာ တက်ရောက်သူအချို့ရှိခဲ့သည်။
ယခုအခါ သူသည္ အမှုရင်ဆိုင်ရဖွယ်ရှိနေသေးသည်။

ဒေးဗစ်လားအပါအဝင် လူလေးဦးအား ရန်ကုန်တိုင်းအတွင်း COVID-19 ရောဂါ ထိန်းချုပ်ရေးနှင့် ပတ်သက်၍ ညွှန်ကြားချက်များအား လိုက်နာရန် ပျက်ကွက်ခဲ့သည့်အမှုဖြင့် ရန်ကုန်တိုင်းဒေသကြီး ကိုဗစ်နိုင်တင်းထိန်းချုပ်ရေးနှင့် အရေးပေါ်တုံ့ပြန်ရေးကော်မတီက  ဧပြီ ၁၉ ရက်နေ့က အမှုဖွင့်ထားသည်။

• တရားဟောဆရာစောဒေးဗစ်လားအမှု စွဲချက်အမိန့်ကို လာမည့်ရုံးချိန်းတွင် ချမှတ်မည်

အဆိုပါ ဆုတောင်းပွဲများနှင့်ဆက်စပ်၍  ကိုရိုနာဗိုင်းရပ်စ်ပိုးကူးစက်ခံရသူများအနက် အခြားလေးဦးလည်း ယခုအခါ ဆေးရုံဆင်းခွင့်ရပြီဖြစ်သည်။
 

• ကိုရိုနာဗိုင်းရပ်စ် ဆိုင်ရာ အမိန့်ညွန်ကြားချက်များကို ဖီဆန်ခဲ့သည့် မြန်မာနိုင်ငံမှ တရားဟောဆရာ ထောင် ၃ နှစ် ကျခံရမည့် အရေးနှင့် ရင်ဆိုင်နေရ    

အခြားဆေးရုံဆင်းခွင့်ရသူများထဲတွင် ရန်ကုန်တိုင်း ဗဟန်းမြို့နယ်နေ အသက် ၆၀ နှစ်အရွယ် ပြင်သစ်ဧည့်လမ်းညွှန်အမျိုးသမီးလည်း ပါဝင်သည်။

• ဒေးဗစ်လား အပါအဝင် COVID-19 လူနာ ၁၀ ဦး ရောဂါပိုးကင်းစင်၍ ဆေးရုံဆင်းပြီ  

ဆေးရုံမှဆင်းခွင့်ပြုလိုက်သော်လည်း သတ်မှတ်နေရာများတွင် အသွားအလာ ဆက်လက် ကန့်သတ်ထားရှိသည်။
 
ယနေ့အချိန်ထိ ဆေးရုံမှပြန်ဆင်းသွားသူ စုစုပေါင်း ၂၇ ဦးရှိပြီဖြစ်သည်။