ခွေးဘီလူး ဆိုတဲ့ အသက် ၂၀ ကျော်အရွယ်အမျိုးသားတစ်ဦးကို ကရင်နီဒေသက တော်လှန်ရေး အဖွဲ့တော်တော်များများက လေးစား ချစ်ခင်ကြပါတယ်။
"စစ်ကြောင်းထွက်ရင် အများဆုံးက တောင်တွေတက်ရတာများတာနဲ့ပြေးရင်းလွှားရင်း ခဏခဏချော်လဲပြီး သေနတ်က ပိနေတာများတယ်။ရဲဘော်တယောက်မှ လာမထူပေးဘဲ ထိုင်ရီနေကြတယ်။ ဒါပေမဲ့ စစ်ကြောင်းထွက် ရှေ့တန်းထွက်ရရင် တအားပျော်တယ်" ဟု ရဲဘော် ခွေးဘီလူးက ပြောပါတယ်။
တက္ကသိုလ် ကျောင်းသားတစ်ဦးလည်းဖြစ်ပြီး စစ်တပ်က အာဏာသိမ်းပြီးတဲ့နောက် ဆန္ဒပြနေရင်း စစ်ကောင်စီက အကြမ်းဖက်လာတဲ့အခါမှာတော့ UG အနေနဲ့ မစ်ရှင် ၅ ခုလုပ်ဆောင်ခဲ့ပြီး ရဲစခန်းတစ်ခုကို သုံးကြိမ်ဖောက်ခွဲမှုတွေလုပ်ဆောင်ခဲ့သူလည်းဖြစ်ပါတယ်။
