မင်းသမီးကင်မ်ဂျီဝမ်သည် ဇူလိုင်လ ၂၇ရက်နေ့တွင် ပြုလုပ်ခဲ့သော အင်တာဗျူးတစ်ခု၌ သူမသည် Descendants of the Sun တွင် အတူတွဲဖက်သရုပ်ဆောင်ခဲ့သည့် အနုပညာကြယ်ပွင့်များဖြစ်ကြသော ဆောင်ဂျွန်ကီနှင့် ဆောင်းဟေကိုတို့၏ မင်္ဂလာသတင်းနှင့် ပတ်သက်၍ ၀မ်းသာဂုဏ်ယူကြောင်း ပြောဆိုခဲ့သည်။
အဆိုပါစုံတွဲ၏ မင်္ဂလာသတင်းကို ထုတ်ပြန်မကြေညာမီ သူမအနေဖြင့် အစောပိုင်းကတည်းက ထိုသတင်းကို သိရှိခဲ့သလားဟု မေးမြန်းခဲ့ချိန်တွင် သူမက “ ကျမ အဲ့ဒီသတင်းကို သတင်းစာတွေ ဖတ်တဲ့အချိန်မှ သိလိုက်ရ တာပါ” ဟု ဖြေကြားခဲ့ပြီး အနုပညာကြယ်ပွင့်စုံတွဲအတွက် ၀မ်းသာပြီး စိတ်လှုပ်ရှားရကြောင်း ပြောခဲ့သည်။
ဆက်လက်ပြီး သူမက “ Descendants of the Sun ဇာတ်လမ်းတွဲရဲ့ အဓိကသရုပ်ဆောင်တွေထဲမှာ ကျမဟာ အသက်အငယ်ဆုံးပါ။ ဒါကြောင့် ကျမရဲ့ အခန်းကဏ္ဍအတွက် အထူးဂရုစိုက်နေရတာကြောင့် သူတို့နှစ်ယောက် တွဲနေတယ်ဆိုတာကို သတိမထားမိခဲ့ပါဘူး” ဟုလည်း ပြောကြားခဲ့သည်။
ကင်မ်ဂျီဝမ်က “ ကျမသူတို့ကို ဂုဏ်ယူပါတယ်လို့ ပြောချင်ပါတယ်။ သိပ်ချစ်ရတဲ့သူနဲ့ဆုံတွေ့ရပြီး ကျန်ရှိနေတဲ့ ဘဝကို ထိုသူနဲ့လက်တွဲရတာဟာ တကယ့်ကိုပျော်ရွှင်စရာကောင်းပါတယ်။ ကျမသူတို့ကို အရမ်းအားကျမိပါ တယ်” ဟု ပြောခဲ့သည်။
Ref: Soompi