ဆိုးလ်၊ သြဂုတ် ၂ ။ ။ တောင်ကိုရီးယား မင်းသား ဆောင်ဆာင်းဟွန်း(ဂျွန်စော)သည် တရုတ်နိုင်ငံ ရှန်ဟိုင်းမြို့တွင် ကျင်းပပြုလုပ်သော Fashion for Dream 2016 ဆုပေးပွဲတွင် Dream Outstanding award ဆုကို ရရှိခဲ့သည်။အဆိုပါ ဆုပေးပွဲအခမ်းအနားကို Cosmopolitan Chinaက ကြီးမှူးကျင်းပခဲ့ခြင်းဖြစ်သည်။
ဆုပေးပွဲကို Cecilia Cheung Pak- Chi နှင့် Tiffany Tang ကဲ့သို့သော နာမည်ကြီး တရုတ်အနုပညာရှင်များလည်း တတ်ရောက်ခဲ့ကြသည်။
ဆောင်သည် အောက်တိုဘာလတွင် SBS ရုပ်သံမှ ထုတ်လွှင့်ပြသမည့် “ Saimdang , the Herstory” ဇာတ်ကားတွင် ပါဝင်သရုပ်ဆောင်သွားမည်ဖြစ်သည်။အဆိုပါ ဇာတ်ကားတွင် ဆောင်သည် ၁၆ ရာစုနှစ် ပြည်သူ့အရာရှိ လီဂျီအမ် အဖြစ်ပါဝင်သရုပ်ဆောင်သွားမည်ဖြစ်သည်။
ဆောင်သည် ဆမ်ဒေါင် အမည်ရှိ မိန်းကလေးအပေါ် ချစ်ကျွမ်းဝင်ခဲ့သူအဖြစ်လည်း သရုပ်ဆောင်သွားမည်ဖြစ်ပြီး ဆမ်ဒေါင်အဖြစ် မင်းသမီး လီယောင်အေးက သရုပ်ဆောင်သွားမည်ဖြစ်သည်။