မန်ချက်စတာယူနိုက်တက်မှာ အစုရှယ်ယာအနည်းစုရှင်တဦးဖြစ်လာဖို့ ဆာဂျင်မ်ရက်ကလစ်ဖ်ရဲ့ အစီအစဉ်ကို ဖြစ်နိုင်ခြေ လာမယ့် သီတင်းပတ်အစောပိုင်းဖြစ်တဲ့ ဒီလရဲ့ နိုင်ငံတကာကြားရက်အတွင်း သဘောတူညီနိုင်ဖွယ်ရှိတယ်လို့ မျှော်လင့်ရပါတယ်။
ရက်ကလစ်ဖ်ရဲ့ Ineos Group ဟာ ရှယ်ယာ ၂၅ ရာခိုင်နှုန်းကို ဝယ်ယူဖို့ ပေါင် ၁.၂၅ ဘီလီယံဝန်းကျင်ပေးချေမယ်လို့ မျှော်လင့်ရပါတယ်။
ယူနိုက်တက်ရဲ့ ပိုင်ရှင်တွေဖြစ်တဲ့ ဂလေဇာမိသားစုကနေ ကလပ်ကို ရောင်းချဖို့ စဉ်းစားနေကြောင်း ၂၀၂၂ နိုဝင်ဘာလ ၂၂ ရက်နေ့မှာ ကြေညာခဲ့တာပါ။
Ineos နဲ့ ကာတာ ဘဏ်လုပ်ငန်းရှင် ရှိတ်ဂျာဆင် ဘင်ဟာမက် အယ်သာနီတို့နှစ်ဦးလုံးက ပေါင် ၅ ဘီလီယံဝန်းကျင်ခန့် လေလံဆွဲပြီး ကမ်းလှမ်းမှုတွေပြုလုပ်ခဲ့ပါတယ်။
ဒါပေမယ့်လည်း လေလံဆွဲသူနှစ်ဦးစလုံးဟာ ဂလေဇာမိသားစုရဲ့ တန်ဖိုးဖြတ်သတ်မှတ်မှုကို လက်လှမ်းမီဖို့ ဆန္ဒမရှိကြဘဲ တွဲဖက်ဥက္ကဋ္ဌတွေဖြစ်တဲ့ ဂျိုးလ်နှင့် အေဗရမ် ဂလေဇာတို့ နှစ်ဦးစလုံးဟာ တုံ့ဆိုင်းနေတဲ့ ရောင်းချသူတွေဖြစ်ကြောင်း သိရှိထားကြပါတယ်။
ရှိတ်ဂျာဆင် ဘင်ဟာမက်ဟာ ယူနိုက်တက်ရဲ့ ဒေါ်လာ ၃.၂ ဘီလီယံ (ပေါင် ၂.၆၄ ဘီလီယ့) စတော့ဈေးကွက်တန်ဖိုးရဲ့ နှစ်ဆဖြစ်မယ်လို့ ယူဆရတဲ့ သူ့ရဲ့ နောက်ဆုံးလေလံဆွဲမှုကို ပြီးခဲ့တဲ့ လက နောက်ဆုတ်သွားခဲ့ပြီး သူဟာ ဂလေဇာတို့ရဲ့ တောင်းဆိုချက်တွေကို မဖြည့်ပေးနိုင်ခဲ့ပါဘူး။
ရက်ကလစ်ဖ်ဟာ ဂလေဇာတွေရဲ့ ၆၉ ရာခိုင်နှုန်းသော ရှယ်ယာပိုင်ဆိုင်မှုကို ဝယ်ယူဖို့ သူ့ရဲ့ ကနဦးအစီအစဉ်ကို ပြင်ဆင်ထားခဲ့ပြီးဖြစ်ပြီး ၎င်းကို 'အများစု' ရှယ်ယာအဖြစ် လျှော့ချထားခဲ့ပါတယ်။
ဒါပေမယ့်လည်း သဘောတူညီချက်အတွက် အလားအလာ တိုးတက်လာခဲ့တယ်လို့ ခန့်မှန်းထားတဲ့ ၂၅ ရာခိုင်နှုန်းဆီ သူ ပြန်လျှော့ချလိုက်တဲ့အခါမှသာ ဒါဟာ ဖြစ်လာခဲ့တာပါ။
သဘောတူညီမှုရဲ့ ဖွဲ့စည်းပုံဟာ ဘယ်လိုရှိမလဲဆိုတာ လုံးလုံးရှင်းရှင်းလင်းလင်းမသိရသေးသလို ရက်ကလစ်ဖ်ဟာ သူ့ရဲ့ရှယ်ယာပိုင်ဆိုင်မှုကို တိုးမြှင့်ခွင့်ပြုမယ့် တိကျတဲ့ ရက်တွေ ရှိမရှိကိုလည်း မသိရပါဘူး။ အားကစားကွင်းနဲ့ ဆက်စပ်တဲ့ အခြေခံအဆောက်အဦလုပ်ငန်းတွေအတွက် အပိုရန်ပုံငွေ ပေါင် ၂၄၅ သန်းခန့်ကို ရက်ကလစ်ဖ်ဆီကနေ ရရှိနိုင်လိမ့်မယ်လို့ ယူဆရပါတယ်။
ရက်ကလစ်ဖ်ဟာ ကလပ်ရဲ့ ဘောလုံးအားကစား လည်ပတ်မှု အပိုင်းကို ထိန်းချုပ်လိုတယ်လို့ သတင်းတွေ ထွက်ပေါ်နေပါတယ်။
ယူနိုက်တက်တို့ဟာ ဒီရာသီမှာ ၁၇ ပွဲ ကစား ၉ ပွဲ ရှုံးနိမ့်ရင်း ချန်ပီယံလိဂ်အုပ်စု အောက်ဆုံးနေရာနဲ့ ပရီးမီးယားလိဂ်မှာ အဆင့် ၈ နေရာမှာ ရပ်တည်နေပါတယ်။
