စစ်ကောင်စီတပ်ဖွဲ့ကို ဒရုန်းတွေနဲ့ အကောင်းဆုံးတိုက်ခိုက်နိုင်နေပြီလို့ အမျိုးသားညီညွတ်ရေးအစိုးရ(NUG)ယာယီသမ္မတဒူဝါလရှီးလက ဒီကနေ့ စက်တင်ဘာလ ၇ ရက်နေ့မှာ ကျရောက်တဲ့ နွေဦးတော်လှန်ရေးခုခံတော်လှန်စစ် နှစ်နှစ်ပြည့် နိုင်ငံတော်အခြေပြုမိန့်ခွန်းမှာ ထုတ်ဖော်ပြောကြားလိုက်ပါတယ်။
တော်လှန်ရေးတပ်ဖွဲ့တွေရဲ့ ဒရုန်းတိုက်ခိုက်ရေးစွမ်းရည်ဟာ ပိုမိုမြင့်မားလာနေပြီး စစ်ကောင်စီတပ်ဖွဲ့တွေဟာ ဒရုန်းပျံဝဲသံကို ကြားရုံနဲ့ ထိတ်လန့်တုန်လှုပ်နေရပြီလို့ တော်လှန်ရေးအင်အားစုတွေက ဆိုပါတယ်။
ကိုယ်ပိုင်ဒရုန်းအဖွဲ့ မရှိသေးတဲ့ ပြည်သူ့ကာကွယ်ရေးတပ်ဖွဲ့တွေကို NUGအစိုးရအနေနဲ့ နည်းပညာနဲ့ တခြားလိုအပ်တာတွေ ပံ့ပိုးပေးသင့်တယ်လို့ တိုက်တွန်းပြောဆိုမှုတွေရှိနေပါတယ်။
တည်းဖြတ်၊တင်ဆက် - MTO
