စစ်ကောင်စီထုတ် နှစ်သောင်းတန်ငွေစက္ကူတွေကို အမျိုးသားညီညွတ်ရေးအစိုးရက မသုံးစွဲဖို့တားမြစ်ကြောင်းထုတ်ပြန်လာပါတယ်။
ငွေကြေးကဏ္ဍမှာ အဓိကကျတဲ့ ပုဂ္ဂလိက ဘဏ်တွေနဲ့ ငွေကြေးဝန်ဆောင်မှု လုပ်ငန်းတွေ အနေနဲ့ လက်ဝယ်ထားရှိတာ အရောင်းအဝယ်ပြုလုပ်တာနဲ့ တနည်းနည်းနဲ့ လွှဲပြောင်းတာမျိုး ပြုလုပ်မယ်ဆိုရင် အကြမ်းဖက်မှုတိုက်ဖျက်ရေးဥပဒေပုဒ်မနဲ့အရေးယူသွားမယ်လို့ NUGရဲ့အကြမ်းဖက်မှုတိုက်ဖျက်ရေးဗဟိုအဖွဲ့က ဩဂုတ်လ ၂၄ရက်နေ့မှာ အသိပေးထုတ်ပြန်ပါတယ်။
တရားမဝင်တဲ့ စစ်ကောင်စီက ငွေတွေထုတ်လာတာဖြစ်တဲ့အတွက် NUGအနေနဲ့ ယခုလိုထုတ်ပြန်တာဖြစ်တယ်လို့ သမ္မတရုံးပြောရေးဆိုခွင့်ရှိသူ ဦးကျော်ဇောက မဇ္ဈိမကိုပြောပါတယ်။
တင်ဆက်/တည်းဖြတ်- မိုးသောက်
