ရန်ကုန်၊ ဖေဖေါ်ဝါရီ ၈ ။ ။ လွှတ်တော်တွင်း လုပ်ငန်းတာဝန်များဆောင်ရွက်ရာတွင် ရန်ကုန်တိုင်းအတွင်းရှိ လူထုအကျိုးစီးပွား ပိုမိုတိုးတက်အောင် ဆောင်ရွက်ကြရန် ဒုတိယအကြိမ် ရန်ကုန်တိုင်းဒေသကြီး လွှတ်တော်ဥက္ကဋ္ဌ ဦးတင်မောင်ထွန်းက တိုင်းဒေသကြီးလွှတ်တော် ပထမနေ့တွင် တိုက်တွန်းပြောကြား လိုက်သည်။
" ကျွန်တော်တို့ လွှတ်တော်တွင်းလုပ်ငန်းများဆောင်ရွက်ကြတဲ့အခါမှာ နိုင်ငံသားများရဲ့ လွတ်လပ်ခြင်း၊ ညီ မျှခြင်း၊ တရားမျှတခြင်းတို့နဲ့အညီ ဆောင်ရွက်ကြပြီးရန်ကုန်တိုင်းဒေသကြီးအတွင်းမှာရှိတဲ့ လူထုရဲ့အကျိုး စီးပွား ကို ပိုမိုတိုးတက်အောင် အစွမ်းကုန် ဆောင်ရွက်ကြပါစို့။"ဟု ဦးတင်မောင်ထွန်းက ပြောသည်။
ဒုတိအကြိမ်လွှတ်တော်အစည်းဝေး ပထမနေ့တွင် မရမ်းကုန်းမြို့နယ် မဲဆန္ဒနယ်အမှတ်(၂)မှ ဒေါ်မိုးမိုးစုကြည် က သဘာပတိအဖြစ်ဆောင်ရွက်ပြီး လွှတ်တော် ဥက္ကဋ္ဌနှင့် ဒုဥက္ကဋ္ဌ ရွေးခြယ်တင်မြှောက်ခြင်း ၊ ကတိသစ္စာ ခံယူ ခြင်းများ ပြုလုပ်ခဲ့သည်။
လွှတ်တော် ဥက္ကဋ္ဌနှင့် ဒုတိယဥက္ကဋ္ဌအဖြစ် ရွေးခြယ်တင်မြှောက်ရာတွင် ဒဂုံမြို့နယ် မဲဆန္ဒနယ်အမှတ်(၁)မှ ဦး တင်မောင်ထွန်း၊ ကမာရွတ်မြို့နယ် မဆြန္ဒနယ်အမှတ်(၂)မှ ဦးလင်းတိုင်မြင့်တို့အား လွှတ်တော် ဥက္ကဋ္ဌနှင့် ဒုတိယ ဥက္ကဋ္ဌအဖြစ် ကန့်ကွက်သူမရှိ အမည်စာရင်းတင်သွင်းခဲ့သည့်အတွက် လွှတ်တော် သဘာပတိက အတည် ပြု တင်မြှောက်ပေးခဲ့ပြီး တာဝန်များလွှဲပြောင်းပေးအပ်ခဲ့သည်။
