မေလ ၂၂ ရက်
စစ်ကောင်စီဟာ ၂၀၀၈ အခြေခံဥပဒေအောက်မှာရှိတဲ့ ရွေးကောက်ပွဲတရပ်ကို ပြန်လည်ကျင်းပဖို့ ကြိုးစားနေပြီး၊ ဒါဟာ သူတို့ ကြုံတွေ့နေရတဲ့ အခက်အခဲ အကြပ်အတည်းတွေကို ထွက်ပေါက်အနေနဲ့ ပြုလုပ်နေတာပါ။
ဒီလို အခြေအနေမှာ သူတို့ဘက်ကို လိုက်နိုင်မယ့် ပါတီ၊ သူတို့ကို ထောက်ခံမယ့်/သူတို့ရဲ့ ရွေးကောက်ပွဲမှာ ပါဝင်မယ့် ပါတီကိုသာ ချန်ထားချင်နေတယ်လို့ ယူဆကြောင်း၊
စစ်ကောင်စီအနေနဲ့ အခြေအနေတွေအားလုံးကို ရှုပ်ထွေးအောင် ပြုလုပ်ပြီးမှသာ ရွေးကောက်ပွဲကို ကျင်းပလိုတဲ့အတွက်ကြောင့် နိုင်ငံရေးပါတီတွေကို အမျိုးမျိုးအဖုံဖုံရှုပ်ထွေးအောင် ပြုလုပ်နေတယ်လို့ ယူဆချက်အပါအဝင် အခြားအကြောင်းအရာတွေကို လူ့ဘောင်သစ်ဒီမိုကရက်တစ်ပါတီရဲ့ တွဲဖက်အထွေထွေအတွင်းရေးမှူးဖြစ်တဲ့ မနှင်းနှင်းမွှေးက ဆွေးနွေးပြောပြထားပါတယ်။
