ဇွန် ၄ ။ ။ အမေရိကန်နိုင်ငံမှာ ရှာဖွေတွေ့ရှိခဲ့တဲ့ ရှားပါး ဒိုင်နိုဆော အရိုးစုကြီးတစ်ခုကို ဇွန်လ ၄ ရက်မှာ ပြင်သစ်နိုင်ငံ ပါရီမြို့အနီးမှာ လေလံတင်ရောင်းချမှာ ဖြစ်ပါတယ်။
အဆိုပါ ဒိုင်နိုဆော ရုပ်ကြွင်းကတော့ နှစ်သန်းပေါင်း ၁၅၀ ခန့် ရှိမယ်လို့ သိရပါတယ်။
အီဖယ်လ် တာဝါ ပထမထပ်မှာ ခင်းကျင်းပြသထားတဲ့ အဆိုပါ ဒိုင်နိုဆော ရုပ်ကြွင်းကြီးရဲ့ တန်ကြေးကတော့ ခန့်မှန်းခြေအားဖြင့် ယူရို ၁ ဒသမ ၈ သန်းအထိ ရှိမယ်လို့ ယူဆရပါတယ်။
ပိုင်ရှင်ဖြစ်သူရဲ့ ဆန္ဒအရ အဆိုပါ လေလံတင်ရောင်းချရမှုကနေ ရရှိလာမယ့် ငွေကြေးတွေအနက် တစ်စိတ်တစ်ဒေသကို အကျိုးအမြတ်မယူ အဖွဲ့တွေကို လှူဒါန်းပေးသွားမယ်လို့ သိရပါတယ်။
ကျန်ငွေကြေးတွေကိုတော့ နောက်ထပ် ရှာဖွေတူးဖော်မှုတွေအတွက် အသုံးပြုသွားမယ်လို့ သိရပါတယ်။