ဇွန် ၁၃ ၊ ရန်ကုန် ။ ။ မြန်မာ့လက်ရွေးစင်နှင့် ရတနာပုံအသင်း၏ အဓိက ကွင်းလယ်ကစားသမား ရဲကိုဦးသည် ရန်ကုန်အသင်းနှင့်ပွဲတွင် ထိခိုက်မိခဲ့သော ဒူးဒဏ်ရာကြောင့် နှစ်ပတ်ခန့် အနားယူရမည် ဖြစ်သည်။ ရဲကိုဦးသည် အဆိုပါ ရန်ကုန်အသင်းနှင့်ပွဲတွင် ပွဲချိန်နောက်ဆုံးမိနစ်၌ ရန်ကုန်ကစားသမား ကြည်လင်း၏ ဥပေဒပ ဖျက်ထုတ်မှုကြောင့် ဘယ်ဖက်ဒူးခေါင်း ဒဏ်ရာ ရရှိခဲ့ခြင်း ဖြစ်သည်။
“ ကျွန်တော်ဘောလုံးကိုပဲအထိကထားပြီး အာရုံစိုက်နေခဲ့တာပါ။ နောက်ကနေ ကျွန်တော့်ခြေထောက်ကို ဖျက်ရိုက်ခံလိုက်ရတာပါ။ အခုတော့ အခြေအနေက နှစ်ပတ်ကြာ လောက်အနားယူရမယ်လို့ ဆရာဝန်က ပြောပါတယ်။ ဒီထက်ပိုပြီး မြန်မြန် ကောင်းလာဖို့ မျော်လင့်နေပါတယ်။ အခုလက်ရှိ ဘယ်ဘက်ခြေထောက်က မသက်သာသေးပါ ဘူး ” ဟု ရဲကိုဦးက သူ၏ဒဏ်ရာနှင့် ပတ်သက်၍ ပြော သည်။
ရဲကိုဦးသည် ရတနာပုံလူငယ်အသင်းမှ ပေါ်ထွက်လာသည့် ကစားသမားတစ်ဦး ဖြစ်ပြီး ပြီးခဲ့သည့် မြန်မာ ယူ-၂၃ ဆီးဂိမ်းအသင်းတွင် ခြေစွမ်းပြကစားနိုင်ခဲ့သလို လက်ရှိတွင်လည်း မြန်မာ့လက်ရွေးစင် အသင်း၏ အဓိကကွင်းလယ်ကစားသမားတစ်ဦး ဖြစ်သည်။