လွိုင်ကော်တက္ကသိုလ်အတွင်း တပ်စွဲထားတဲ့ ခမရ ( ၆ ) ရဲ့ တပ်ခွဲမှူး အပါအဝင် စစ်ကောင်စီ တပ်သား ၃၂ ဦး လက်နက်ချ အလင်းဝင်လာတဲ့ ရုပ်သံဖိုင်ကို KNDF က ထုတ်ပြန်လာပါတယ်။
လွိုင်ကော်တက္ကသိုလ်ထဲ နိုဝင်ဘာ ၁၃ ရက်နေ့က စတင်ခဲ့တဲ့တိုက်ပွဲတွေကြောင့် ခမရ (၄၂၅) တပ်ရင်းမှူး နဲ့ ဒု-ရင်းမှူးအပါအဝင် တပ်ရင်းတစ် ရင်းလုံးနီးပါး သေဆုံးခဲ့တာပါ။
နိုဝင်ဘာ ၁၄ ရက်မှာတော့ ခမရ ( ၆ ) ရဲ့ အင်အား တဝက်နီးပါးကိုပါ ချေမှုန်းနိုင်ခဲ့တယ်လို့ သိရပါတယ်။
တိုက်ပွဲဟာ ညနေပိုင်းထိကြာမြင့်ခဲ့ပြီး ကျန်ရှိနေတဲ့ စစ်ကောင်စီ တပ်သား ၃၂ ယောက်ကို KNDF က အခွင့်အရေးပေးခဲ့တာကြောင့် လက်နက်ချ အညံ့ခံခဲ့တာလည်းဖြစ်ပါတယ်။
ဒီသတင်းအပြည့်အစုံကိုတော့ မဇ္ဈိမ ဝိုင်းတော်သား ခက်နွေက ပေးပို့တင်ဆက်ထားပါတယ်။
တင်ဆက်/တည်းဖြတ် - ခက်နွေ
