မန်ချက်စတာယူနိုက်တက်ဟာ ကိုပင်ဟေဂင်ကို ၂-၀ ဂိုးနဲ့ အဝေးကွင်းမှာ ဦးဆောင်ရာကနေ မားကပ်စ် ရက်ရှ်ဖို့ဒ် အထုတ်ခံလိုက်ရအပြီးမှာတော့ ၄-၃ ဂိုးနဲ့ ပြန်အရေးနိမ့်ခဲ့ရပြီးနောက် သူတို့ဟာ ချန်ပီယံလိဂ်ပြိုင်ပွဲကနေ စောစောစီးစီး ထွက်ခွာဖို့ နီးစပ်နေပါတယ်။
ရာ့စ်မတ်စ် ဟော့ချ်လန်းက ပွဲချိန်နာရီဝက်အတွင်း နှစ်ဂိုးသွင်းယူတာကြောင့် သူ့ရဲ့အသင်းဟောင်းကို ခြောက်လှန့်ဖို့ ပြန်လာပုံရပါတယ်။
ဒါပေမယ့် ရက်ရှ်ဖို့ဒ် အထုတ်ခံရတာက ဒီပွဲစဉ်ရဲ့ အဆုံးအဖြတ်ကို ပြောင်းလဲသွားစေပြီး အုပ်စု A မှာ လေးပွဲကစားပြီးချိန်မှာ သုံးပွဲမြောက်ရှုံးပွဲနဲ့အတူ ယူနိုက်တက်ရဲ့ ကံကြမ္မာကို ဖုံးအုပ်သွားနိုင်ပါတယ်။
မိုဟာမက် အယ်လ်ယူနူဆီနဲ့ ဒီယိုဂို ဂွန်ဆယ်ဗက်စ်တို့ဟာ ဒုတိယပိုင်းမတိုင်ခင် ကိုပင်ဟေဂင်အတွက် သရေဖြစ်စေမယ့် ဂိုးတွေရယူပေးခဲ့ပါတယ်။
ဘရူနိုဖာနန်ဒက်စ်ရဲ့ ပင်နယ်တီက ယူနိုက်တက်ကို ပြန်လာစေခဲ့ပါတယ်။ ဒါပေမယ့် နောက်ဆုံး ခုနစ်မိနစ်အတွင်း လူကာ လီရာဂါနဲ့ အသက် ၁၇ နှစ်အရွယ် ရွန်းနီ ဘာ့ဂ်ဂျီတို့ကနေ ကိုပင်ဟေဂင်ကို ၂၀၁၆ နောက်ပိုင်း ပထမဆုံး ချန်ပီယံလိဂ်နိုင်ပွဲရရှိစေခဲ့ပါတယ်။
ယူနိုက်တက်ဟာ ဂါလာတာဆာရေးနဲ့ ကိုပင်ဟေဂင်တို့နောက် တမှတ်အကွာ အုပ်စုအောက်ဆုံးသို့ ရောက်သွားပြီး ကစားဖို့ နှစ်ပွဲသာ ကျန်ပါတော့တယ်။
သရဲနီတွေဟာ အုပ်စုဗိုလ် ဘိုင်ယန်မြူးနစ်ကို အိမ်ကွင်းမှာ လက်ခံမကစားခင် သုံးပတ်ကြာ အချိန်အတွင်း ဂါလာတာဆာရေးကို သွားရောက်ရမှာဖြစ်ပါတယ်။
ဒီရာသီ ၁၇ ပွဲမှာ ကိုးပွဲ ရှုံးနိမ့်ပြီးနောက် ရှုံးပွဲက ယူနိုက်တက်နည်းပြ အဲရစ် တန်ဟက်ဂ်အပေါ် ဖိအားတွေ ထပ်ပြီး တိုးလာပါလိမ့်မယ်။
အဖွင့်ပွဲချိန်နာရီဝက်အတွင်း အကောင်းဆုံးကစားခဲ့အပြီး ရက်ရှ်ဖို့ဒ်ရဲ့ အထုတ်ခံရခြင်းအတွက် ဘာတွေဖြစ်နိုင်တယ်ဆိုတာ နယ်သာလန်သားနည်းပြက သုံးသပ်ပါတယ်။
"အနီကတ်မထိခင်အထိ ကျနော်တို့ အရမ်းကောင်းအောင် ကစားခဲ့တယ်။ အနီကတ်က အရာအားလုံးကို ပြောင်းလဲသွားစေခဲ့တယ်။ အဲဒီနောက်မှာတော့ ကွဲပြားတဲ့ပွဲ တပွဲ ဖြစ်လာခဲ့တယ်"လို့ တန်ဟက်ဂ်က ပြောပါတယ်။
"ဒါဟာ ခက်ခဲကြမ်းတမ်းတဲ့ ဆုံးဖြတ်ချက်ပါ။ ကစားသမားက ဘောလုံးကို ကာကွယ်ဖို့အတွက် ကြိုးစားခဲ့တာပါ။ "
