ကရင်ပြည်နယ်၊ မြဝတီမြို့၊ စိမ်းလဲ့မြိုင်ကားဝန်းအနီးတွင် ဇူလိုင်လ ၅ ရက်နေ့မှစတင် ကာ စစ်ကြောင်းထိုးလာသည့် စစ်ကောင်စီတပ်ဖွဲ့နှင့် ကော်ဘရာစစ်ကြောင်းတို့ ထိတွေ့တိုက်ပွဲဖြစ်ပွား နေကြောင်း ကော်ဘရာစစ်ကြောင်းတာဝန်ရှိသူထံမှ သိရသည်။
ယင်းတိုက်ပွဲတွင် စစ်ကောင်စီတပ်ဖွဲ့ဝင် သုံးဦးသေဆုံးခဲ့ပြီး ခမရ(၁၁၈)မှ ဗိုလ်မှူးတဦးနှင့် ဗိုလ်ကြီးတဦး အပါအဝင် ငါးဦး ထိခိုက်ဒဏ်ရာရရှိခဲ့သည်ဟု ၎င်းကပြောသည်။
ကော်ဘရာစစ်ကြောင်းမှ ရဲဘော်တဦးဒဏ်ရာရရှိကာ ဒရုန်းတစင်းနှင့် သေနတ်တလက်ပျက်စီးခဲ့ကြောင်း လည်း သိရသည်။
ထို့ပြင် ယမန်နေ့ ဇူလိုင်လ ၈ ရက်မှစတင်ကာ BGF တပ်ဖွဲ့များ ထိန်းချုပ်ထားသည့် လက်ခတ်တောင် အနီးဝန်းကျင်တွင်လည်း ထိတွေ့တိုက်ပွဲဖြစ်ပွားနေကြောင်း သိရသည်။
“မနေ့ကတည်းက အခုထိတိုက်ပွဲဖြစ်နေတယ် လက်နက်ကြီး လက်နက်ငယ်သံတွေ ကြားရတယ်။ စစ် ကောင်စီဘက်က သုံးယောက်သေတယ်၊ စနိုက်ပါထိတယ်လို့ကြားရတယ်”ဟု မြေပြင်သတင်းရင်းမြစ်၏ ပြောပြချက်အရ သိရသည်။
စစ်ကောင်စီတပ်ဖွဲ့၏ လက်နက်ကြီးပစ်ခတ်မှုများကြောင့် မဲကနယ်ဒေသ၊ ကျောက်မိုင်းဒေသမှ အရပ် သားထိခိုက်သေဆုံးမှုများလည်းရှိသည်ဟု သိရသည်။
စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ
