ရေနစ်သေဆုံးသွားခဲ့သော ဆီးရီးယားဒုက္ခသည် ကလေးငယ် အလန်ကာဒီ (Alan Kurdi) ၏ ရုပ်အလောင်းမှာ ကမ်းခြေတစ်ခုတွင် သောင်တင်သွားခဲ့ပြီး ထိုဓာတ်ပုံမှာ ကမ္ဘာကျော်သွားခဲ့ရာ ယခု အခါတွင် တရုတ် အနုပညာရှင်နှင့် တက်ကြွလှှုပ်ရှားသူ Ai Weiwei က ထိုဓာတ်ပုံအား ပြန်လည် ဖန်တီးခဲ့သည်။
ကာဒီတို့ မိသားစု လိုက်ပါလာခဲ့သော လှေ တိမ်းမှောက်သွားခဲ့ပြီးနောက် ကာဒီမှာ ရေနစ် သေဆုံးသွားခဲ့ခြင်းဖြစ်ကာ၊ သူ၏ ရုပ်အလောင်းမှာ တူရကီ ကမ်းခြေတစ်ခုတွင် သောင်တင်ခဲ့ခြင်း ဖြစ်သည်။
ကလေးငယ် သေဆုံးနေသည့် ပုံစံအတိုင်း သရုပ်ဆောင်ထားသော တရုတ် ပန်းပုပညာရှင် Ai Weiwei ၏ ဓာတ်ပုံကို ဂရိကျွန်း Lesbos တွင် ရိုက်ကူးခဲ့ခြင်းဖြစ်ပြီး၊ Ai Weiwei သည် ထိုကျွန်းတွင် စတူဒီယို တစ်ခု တည်ထောင်ထားသည်။
ဓာတ်ပုံဆရာ Rohit Chawla ရိုက်ကူးထားသည့် ထို အဖြူအမည်း ဓာတ်ပုံကို အိန္ဒိယ အနုပ ညာပွဲတော်တွင် ပြသသွားမည် ဖြစ်ကြောင်း Washington Post သတင်းစာက ရေးသား ဖော်ပြထားသည်။
