ကမ္ဘာကြီးကိုတုန်လှုပ်စေခဲ့ပြီး အနာဂတ်အတွက် အပြုသဘောဆောင်သော ဦးစားပေး လုပ်ဆောင်မှု တစ်ခုအဖြစ် အမေရိကန်နိုင်ငံ၊ စင်စင်နာတီမြို့ရှိ ပြည်ထောင်စု ခုံသမာဓိအဖွဲ့သည် တရုတ်ထောက်လှမ်းရေး အရာရှိတစ်ဦးကို စီးပွားရေးသူလျှိုမှုနှင့် ကုန်သွယ်မှုလျှို့ဝှက်ချက်များကို ခိုးယူရန် ပူးပေါင်းကြံစည်မှုတွင် အပြစ်ရှိကြောင်း တွေ့ရှိခဲ့သည်။

ယန်ဂျန်ရှီဟု အမည်ရသည့် တရုတ်ထောက်လှမ်းရေးအရာရှိသည် တရုတ်နိုင်ငံခြားထောက်လှမ်းရေးဌာန၏ လက်ထောက်ညွှန်ကြားရေးမှူးဖြစ်ပြီး အမေရိကန်သို့ လွှဲပြောင်းပေးအပ်ခံရသည့် ပထမဆုံးသော တရုတ် ထောက်လှမ်းရေးအရာရှိလည်း ဖြစ်သည်။ ရှီကို ၂၀၁၈ခုနှစ်တွင် ဘယ်လ်ဂျီယမ်နိုင်ငံမှ လွှဲပြောင်းပေးအပ်ခဲ့ပြီး အမှုစစ်ဆေးမှုကို ၂၀၂၁ခုနှစ် အောက်တိုဘာလ ၁၉ ရက်တွင် စတင်ခဲ့သည်။

ကုန်သွယ်ရေးလျှို့ဝှက်ချက်များ၊ နည်းပညာနှင့် ကျွမ်းကျင်မှုများရရှိရန် တရုတ်အစိုးရသည် သူလျှိုစစ်ဆင် ရေးများကို လုပ်ဆောင်နေသည်ကို ကာလအတန်ကြာကတည်းက အမေရိကန်နှင့် ဥရောပနိုင်ငံများကဲ့သို့သော နည်းပညာအဆင့်မြင့်နိုင်ငံများက သိရှိနေသည်။

တရုတ်မှ ဆက်သွယ်ရေးကုမ္ပဏီကြီးဖြစ်သည့် Huawei သည် ကန့်သတ်နည်းပညာများကို ရယူသော နည်းလမ်းများကို အသုံးပြုခြင်းကြောင့် ကြိမ်ဖန်များစွာ ဖော်ထုတ်ခံခဲ့ရပြီး ယင်းကြောင့် Huawei နှင့် ZTE တို့ကို ကမ္ဘာတစ်ဝန်းရှိ နိုင်ငံအများအပြားက နာမည်ပျက်စာရင်းသွင်းရခြင်း၏ အကြောင်းရင်းတစ်ခုဖြစ်သည်။

ယခုဖမ်းဆီးမှုနှင့် ပြစ်ဒဏ်ချမှတ်မှုတွင် သိသာထင်ရှားသည့်အကြောင်းရင်းမှာ ၎င်းသည် ပထမဆုံးသော တရုတ်ထောက်လှမ်းရေးအရာရှိတစ်ဦးဖြစ်ပြီး အမေရိကန်သို့ လွှဲပြောင်းပေးခံရသည့် ပထမဆုံးသော တရုတ် ထောက်လှမ်းရေးအရာရှိဖြစ်သလို ယင်းဖမ်းဆီးမှုသည် သူလျှိုလုပ်ငန်းနှင့် တရုတ်အစိုးရတို့ တိုက်ရိုက် ဆက်စပ် နေကြောင်း ဖော်ပြနေပြီး ဆယ်စုနှစ်များစွာကတည်းက တရုတ်ကွန်မြူနစ်ပါတီသည် အခြားနိုင်ငံများမှ နည်းပညာများကို ခိုးယူခြင်း၏ သက်သေလည်းဖြစ်သည်။

ရှီ၏ အမှုသည် ၂၀၁၃ ခုနှစ်တွင် စတင်ခဲ့သည်။ တရားဝင်မှတ်တမ်းများအရ ရှီသည် လေကြောင်းနယ်ပယ်တွင် ထိပ်တန်းကုမ္ပဏီများအဖြစ် အသိအမှတ်ပြုခံထားရသည့် ကမ္ဘာတစ်ဝန်းရှိ ကုမ္ပဏီများစွာထံမှ ကုမ္ပဏီ လျှို့ဝှက်ချက်များကို နာမည်အမျိုးမျိုးသုံးပြီး ရယူခဲ့သည်။

တရုတ်သူလျှိုလုပ်ထုံးလုပ်နည်းကို အမေရိကန်တရားရုံးများက ဖော်ပြရာတွင် ရှီသည် လေကြောင်း ကုမ္ပဏီ များတွင် အလုပ်လုပ်သော လူတစ်ဦးချင်းစီကို ခွဲခြားသတ်မှတ်ကာ တရုတ်ပြည်ရှိ တက္ကသိုလ်တစ်ခုတွင် သက်ဆိုင်ရာ အကြောင်းအရာအား တင်ဆက်ပြသပေးရန် ဆွဲဆောင်စည်းရုံးလေ့ရှိသည်။

အဆိုပါပုဂ္ဂိုလ်များကို ခရီးသွားလာစရိတ်အပါအဝင်ကုန်ကျစရိတ်များကို ရှီက ပေးခဲ့သည်။ နောက်ဆုံးတွင် ရှီသည် ပေါင်းစပ်လေယာဉ်အင်ဂျင်ပန်ကာအကြောင်း GE Aviation ထံမှ နည်းပညာကို ခိုးယူရန် ကြိုးပမ်းစဉ် ဖမ်းဆီးခံခဲ့ရသည်။

အမေရိကန်တရားရုံးမှတ်တမ်းများအရ ရှီသည် GE နည်းပညာကို ခိုးယူရန်အတွက် GE ဝန်ထမ်းတစ်ဦးအား တရုတ်ပြည်သို့ လာရောက်ရန် စည်းရုံးစီစဉ်ခဲ့သော်လည်း နောက်ဆုံးတွင် ရှီသည် ၂၀၁၈ခုနှစ်တွင် ဘယ်လ်ဂျီယမ်နိုင်ငံတွင် ဝန်ထမ်းနှင့်တွေ့ဆုံရန်ဆုံးဖြတ်ခဲ့ပြီး နောက်တွင် ရှီသည်အဖမ်းခံခဲ့ရသည်။