ဩဂုတ် ၆
ရှမ်းပြည်နယ်မြောက်ပိုင်း ပန်ဆိုင်းမြို့ ( ကြူကုတ်) တွင် ကချင်လွှတ်မြောက်ရေးတပ်မတော်( KIA) ၊ကိုးကန့်တပ်မတော်( MNDAA )ပူးပေါင်းအဖွဲ့ နှင့် စစ်ကောင်စီတပ်များ ယနေ့ (သြဂုတ် ၆ ရက် )နေ့လယ်ကစ၍ တိုက်ပွဲအပြင်းအထန်ဖြစ်ပွားနေသည်ဟု ဒေသခံများက သတင်းပေးပို့သည်။
ပန်ဆိုင်းမြို့ (ကြူကုတ်) ၊ ရပ်ကွက်(၅)ရှိ တရုတ်သင်္ချိုင်း အနီးတွင် တိုက်ပွဲ ဖြစ်ပွားနေပြီး နှစ်ဘက်ပစ်ခတ်သံများ ဆူညံစွာ ကြားနေရသည်ဟု မြို့ခံများကပြောသည်။
" သေနတ်သံတွေ ဆူညံနေတာပဲ။ ကိုဗစ်လည်း ကြောက်တော့အပြင် ဘယ်သူမှ မထွက်ရဲဘူး။ သချိုင်းဘက်မှ ချနေတာ"ဟု ဒေသခံတစ်ဦးက ဆိုသည်။
KIA တပ်မဟာ(၆)နှင့်MNDAA တို့ပူးပေါင်းကာ စစ်ကောင်စီတပ်များကိုတိုက်ခိုက်ခြင်းဖြစ်သည်ဟု ဒေသခံများက ပြောသည်။တိုက်ပွဲသည် ညနေ ၂ နာရီ မိနစ် ၂၀ အထိ ဖြစ်ပွားနေလျှက်ရှိသည်။
