တစ်ကိုယ်တော်အနုပညာရှင်အဖြစ်ရော Girls Generation အဖွဲ့ဝင်တစ်ဦးအဖြစ်ပါ အောင်မြင်မှုများရရှိနေသော ထဲယွန်သည် ဖက်ရှင်မဂ္ဂဇင်း Singles အတွက် အလှပြဓာတ်ပုံများ ရိုက်ကူးပေးပြီးနောက် ထိုမဂ္ဂဇင်းနှင့်အတူ အင်တာဗျူးတစ်ခု ပြုလုပ်ခဲ့သည်။
သြဂုတ်လ ၃၀ရက်နေ့က ပြုလုပ်ခဲ့သော အင်တာဗျူးထဲတွင် ထဲယွန်သည် သူမကြိုက်နှစ်သက်သော အမေရိကန် အနုပညာရှင်တစ်ဦး၏အမည်ကို ထုတ်ဖော်ပြောကြားခဲ့သည်။ သူမက “ တကယ်လို့ အမေရိကန် က အဆိုတော်တစ်ယောက်နဲ့ သီချင်းအတူတူဖန်တီးဖြစ်မယ်ဆိုရင် ကျွန်မ Kehlani နဲ့အတူ တွဲလုပ်ချင်ပါတယ်။ သူမဟာ America’s Got Talent အစီအစဉ်ကနေ ထွက်ပေါ်လာတဲ့ အဆိုရှင်တစ်ဦးပါ။ သူမဟာ ကျွန်မနှစ်သက် တဲ့ အနုပညာရှင်တစ်ဦးလည်း ဖြစ်ပါတယ်” ဟု ပြောကြားခဲ့သည်။
အစောပိုင်းကလည်း အဆိုပါအနုပညာရှင်နှစ်ဦးသည် တစ်ယောက်နဲ့တစ်ယောက် လေးစားသမှုရှိကြကြောင်း ထုတ်ဖော်ပြောဆိုခဲ့ဖူးပြီး ထဲယွန်က V Live မှတဆင့် ပြောခဲ့ခြင်းဖြစ်ကာ Kehlani က အင်စတာဂရမ်မှတဆင့် ထဲယွန်ကို လေးစားကြောင်းပြောခဲ့ဖူးသည်။