ရန်ကုန်တွင် ကျောင်းကားများအဖြစ် အသုံးပြုရန်အတွက် တောင်ကိုရီးယားနိုင်ငံက ဘတ်စ်ကားစီးရေ ၂၀၀ ကို ထုတ်လုပ်တင်ပို့မည်ဖြစ်ကြောင်း တောင်ကိုရီးယား ကုန်သွယ်ရေးမြှင့်တင်မှုအေဂျင်စီ၏ မေ ၂၂ ရက်က ပြောကြားချက်ကို ယွန်ဟတ်သတင်းက ဖော်ပြသည်။
ကိုရီးယား ကုန်သွယ်ရင်းနှီးမြုပ်နှံမှု မြှင့်တင်ရေး အေဂျင်စီ KOTRA ၏ ထုတ်ပြန်ချက်အရ ဟွန်ဒိုင်းမော်တာကုမ္ပဏီမှ ထုတ်လုပ်သော ထိုင်ခုံ ၂၉ ခုံဆံ့ New County ဘတ်စ်ကားများကို ရန်ကုန်တိုင်းဒေသကြီးအစိုးရနှင့် KOTRA တို့အကြား သဘောတူညီမှုအရ လာမည့်လတွင် မြန်မာနိုင်ငံသို့ စတင်တင်ပို့မည်ဖြစ်ကြောင်း သိရသည်။
ယခုသဘောတူညီမှုသည် တောင်ကိုရီးယားနိုင်ငံအနေဖြင့် အာရှနိုင်ငံတစ်နိုင်ငံနှင့် အစိုးရချင်း (G2G) စနစ်ဖြင့် ပထမဆုံးသဘောတူညီခဲ့သည့် အရောင်းအဝယ်လည်းဖြစ်သည်။