အစ္စတန်ဘူလ်မှာ စနေနေ့က ဗုံးနှစ်လုံး ဆက်တိုက် ပေါက်ကွဲမှုများကြောင့် အနည်းဆုံး ၂၉ ဦး သေဆုံးပြီး ၁၆၆ ဦး ဒဏ်ရာရရှိခဲ့ကြောင်း တူရကီပြည်ထဲရေးဝန်ကြီး Suleyman Soylu က သတင်းစာရှင်းလင်းပွဲမှာ ပြောကြားပါတယ်။
သေဆုံးသူ ၂၉ ဦးတွင် ၂၇ ဦးမှာ ရဲအရာရှိဝန်ထမ်းများပြီး ၂ ဦးမှာ အရပ်သားများတယ်လို့ Soylu က ပြောပါတယ်။
ပေါက်ကွဲမှုနှင့် ဆက်စပ်တဲ့ လူ ၁၀ ဦးကို ဖမ်းဆီးထိန်းသိမ်းခဲ့တယ်လို့ ဝန်ကြီးက ပြောဆိုထားပါတယ်။
အစ္စတန်ဘူလ်ရှိ Besiktas အားကစားကွင်းအပြင်ဘက် အဓိကရုဏ်း နှိမ်းနင်းရေး ရဲတပ်ဖွဲ့ရဲ့ ဗန်ကားအနီး ည ရ နာရီ ၂၉ မိနစ် (GMT) အချိန်မှာ ဗုံးတစ်လုံး ပေါက်ကွဲခဲ့တာဖြစ်ပါတယ်။
စက္ကန့်ပိုင်းအကြာမှာ အသေခံတိုက်ခိုက်သူတစ်ဦးက Macka ပန်းခြံအတွင်းရှိ ရဲတပ်ဖွဲ့ အုပ်စုထဲ ဝင်ရောက်ပြီး ကိုယ်တိုင် အသေခံ ဗုံးခွဲတိုက်ခိုက်သွားခဲ့တာဖြစ်ပါတယ်။
ဆက်စပ်သတင်း -
- အစ္စတန်ဘူလ် ဗုံးခွဲတိုက်ခိုက်မှုကြောင့် သေဆုံးသူ ၃၈ ဦးအထိ မြင့်တက်လာ
- အစ္စတန်ဘူလ်ရှိ ဘောလုံးကွင်းအနီး ဗုံးပေါက်ကွဲမှုကြောင့် လူ ၁၅ ဦး သေဆုံး
© EFE_EPA