တပ်ရင်းလိုက် အစုလိုက်အပြုံလိုက် လက်နက်ချအလင်းဝင်တာ၊ စခန်းလုံးကျွတ် ထွက်ပြေးတဲ့ ဖြစ်စဉ်မျိုးတွေဟာ စစ်ကောင်စီတပ် ပြိုကွဲနေတာကို မျက်ဝါးထင်ထင် မြင်တွေ့ရတယ်လို့ နိုင်ငံရေးလေ့လာသုံးသပ်သူ ဦးသန်းစိုးနိုင်က ပြောပါတယ်။
ဒါ့အပြင် "စစ်ကောင်စီတပ်သားတွေ လက်နက်ချတာဟာ တော်လှန်ရေးအတွက် ကြီးမားတဲ့ အကျိုးအမြတ်တခုဖြစ်ပြီး နောက်ထပ် တပ်ရင်းလိုက် လက်နက်ချမှုတွေ ဖြစ်လာဦးမယ်" လို့ CDM ဗိုလ်ကြီး ထက်မြက် က မဇ္ဈိမကို ပြောပါတယ်။
လက်နက်ချအလင်းဝင်လာသူတွေကိုလည်း လူ့ဂုဏ်သိက္ခာ၊ စစ်သားဂုဏ်သိက္ခာနှင့်အညီ အသက်အန္တရာယ်လုံခြုံရေးကို အာမခံပေးပြီး ဖမ်းဆီးချုပ်နှောင်ခြင်းမရှိဘဲ မိသားစုနှင့် ပြန်လည်ဆုံစည်းနိုင်ဖို့အတွက် ခရီးစရိတ်တွေကိုပါ ကူညီထောက်ပံ့ပေးသွားမှာဖြစ်တယ်လို့ ညီနောင်သုံးဖွဲ့ရဲ့ အောက်တိုဘာ ၃၁ ရက်နေ့မှာ ထုတ်ပြန်တဲ့ “စစ်ကောင်စီလက်အောက်ခံ မြန်မာ့တပ်မတော်သားများအတွက် အထူးတိုက်တွန်းနှိုးဆော်ချက်” မှာ ဖော်ပြထားပါတယ်။
ရုပ်သံတင်ဆက်/တည်းဖြတ်- ဂျူချန်း
