ပခုက္ကူ၊ မန္တလေး၊ ပြင်ဦးလွင် ပြေးဆွဲနေသည့် ခရီးသည်တင်ယာဥ်တစီး ယနေ့ အောက်တိုဘာ ၂၂ရက် နံနက် ၂နာရီက မန္တလေး-ပြင်ဦးလွင် လမ်းပိုင်းတွင် ချောက်ထဲထိုးကျသွား
ရာ ကလေးငယ်တဦး အပါအဝင် ကိုးဦး ထိခိုက်ဒဏ်ရာရရှိသွားကြောင်း သိရသည်။
မန္တလေးတိုင်း၊ မန္တလေး-ပြင်ဦးလွင် လမ်းပိုင်း ၁၈/၁မိုင်တွင် ကားဘရိတ်ပေါက်ပြီး ပေ ၅၀ခန့်နက်သည့် ချောက်ထဲသို့ ထိုးကျသွားခြင်းဖြစ်ပြီး ကလေးတဦးအပါအဝင် အမျိုးသား နှစ်ဦး၊အမျိုးသမီး ခုနစ်ဦးတို့ထိခိုက်ဒဏ်ရာများရရှိသွားခြင်းဖြစ်သည်။
"သေတာတော့မရှိပါဘူး။ကျွန်တော်တို့လည်း သိတာနဲ့ ကယ်ဆယ်ရေးတန်းထွက်၊ ဒဏ်ရာရတဲ့သူတွေကို အပေါ်တင်ပြီး လိုအပ်တာတွေ ပြုစုပေးတယ်။ထိုးကျသွားတဲ့ကားက အန်စာတုန်းကားပါ"ဟု လူမှုကယ်ဆယ်ရေးအဖွဲ့ဝင် တဦးကပြောသည်။
ဒဏ်ရာရရှိသူများကို ပရဟိတ လူနာတင်ယာဥ်ေလး စီးဖြင့် မန္တလေးဆေးရုံကြီးသို့ ပို့ဆောင်ပေးခဲ့ကြောင်းသိရသည်။
စာတည်း။ ။အောင်ကျော်ဖြိုး
#Mizzima
#မြန်မာသတင်း
#ချောက်ထဲထိုးကျ
#ယာဉ်မတော်တဆမှု