တောင်ကိုရီးယား အမျိုးသားအဆိုတော်အဖွဲ့ EXO အဖွဲ့ဝင် Baekhyun သည် ရုပ်မြင်သံကြား ဒရမ်မာဇာတ်ကား “ Scarlet Heart: Ryeo” တွင် ဘုရင့်သားတော်အဖြစ် ပါဝင်သရုပ်ဆောင်သွားမည် ဖြစ်သည်။
Baekhyun သည် နန်းတွင်း အဝတ်အစားများ ဝတ်ဆင်ထားသော ဓာတ်ပုံများကို ၎င်း၏ ဖေ့စ်ဘွတ်ခ် စာမျက်နှာမှတစ်ဆင့် ဧပြီ ၄ ရက်က ဖော်ပြခဲ့သည်။ ယင်းဓာတ်ပုံတွင် Beekhyun ၏ မျက်နှာတွင် တောက်ပသော အပြုံးကို တွေ့ရပြီး ရုပ်မြင်သံကြား ဒရမ်မာဇာတ်ကားတွင် ၎င်းသရုပ်ဆောင်ရမည့် ဇာတ်ရုပ်ကို ဖော်ပြထားသည်။
ယင်းဇာတ်ကားတွင် မင်းသား လီဂျောင်ကီ၊ ကောင်ဟာနူးလ်၊ ဟောင်ဂျောင်ဟွန်း၊ နမ်ဂျိုဟွတ်ခ်နှင့် ဂျီဆိုတို့သည် Georyeo မင်းဆက်၏ သားတော်များအဖြစ် ပါဝင်သရုပ်ဆောင်သွားမည် ဖြစ်သည်။
“ Scarlet Heart : Ryeo” ဇာတ်ကားကို ယခုနှစ်ဝက်တွင် ထုတ်လွှင့်ပြသသွားမည် ဖြစ်သည်။
