ရှိတ်ဂျာဆင်း ဘင်ဟာမက် အယ်သာနီဟာ ဒီသီတင်းပတ်အစောပိုင်းက မန်ချက်စတာယူနိုက်တက်ကို ဝယ်ယူဖို့ ၅ ကြိမ်မြောက် ကမ်းလှမ်းမှုပြုလုပ်ခဲ့ကြောင်း ကာတာဘဏ်လုပ်ငန်းရှင်နဲ့ နီးစပ်သူတစ်ဦးအရ သိရပါတယ်။
ဒါဟာ ရှိတ်ဂျာဆင်းရဲ့ နောက်ဆုံး ကမ်းလှမ်းမှုဖြစ်ပြီး သူဟာ သောကြာနေ့ကုန်ရင်တော့ ဒီဖြစ်စဉ်မှာ ပါဝင်ပတ်သက်တော့မှာ မဟုတ်ပါဘူး။
အခုကမ်းလှမ်းမှုဟာ ကလပ်ရဲ့ ၁၀၀ ရာခိုင်နှုန်းအတွက်ဖြစ်ပြီး ယူနိုက်တက်ရဲ့ ကြွေးမြီတွေကို ရှင်းပေးမှာဖြစ်ပြီး ကလပ်နဲ့ ဒေသတွင်းအသိုင်းအဝိုင်းအတွက် သီးခြားရန်ပုံငွေတစ်ခုရှိမှာပါ။
ဆာ ဂျင် ရက်ကလစ်ဖ်ရဲ့ Ineos Group ဟာ ပရီးမီးယားလိဂ်ကလပ်ကို ဝယ်ယူဖို့ ကြိုးစားနေတဲ့ တခြားသော အဓိကအဖွဲ့ဖြစ်ပါတယ်။
မတ်လက ကိန်းဂဏန်းတွေအရ ယူနိုက်တက်ဟာ ဘဏ်ချေးငွေတွေနဲ့ ဆက်စပ်ပေးချေမှုတွေနဲ့အတူ ကျန်ရှိနေတဲ့ ပြောင်းရွှေ့ကြေးတွေကတဆင့် စုစုပေါင်းကြွေးမြီ ပေါင် ၉၆၉.၆ သန်း အကြွေးတင်ခဲ့တယ်လို့ တွေ့ရပါတယ်။
လက်ရှိကလပ်ကို ပိုင်ဆိုင်တဲ့ ဂလေဇာမိသားစုက သူတို့ဟာ "ဗျူဟာမြောက် အခြားရွေးချယ်စရာတွေကို ရှာဖွေခြင်း"ဖြင့် မန်ချက်စတာယူနိုက်တက်ကို ရောင်းချဖို့ စဉ်းစားနေတယ်လို့ နိုဝင်ဘာလက ကြေညာခဲ့ပါတယ်။
နောက်ဆုံးကမ်းလှမ်းမှုကို ဧပြီလ ၂၈ ရက်နေ့လို့ သတ်မှတ်ချိန်ကစလို့ ဂလေဇာမိသားစုဘက်က တုံ့ပြန်မှုမရှိပေမယ့်လည်း၊ ယူနိုက်တက်ကို ဝယ်ယူဖို့ သူတို့ရဲ့ ကြိုးပမ်းအားထုတ်မှုတွေ အောင်မြင်မယ်လို့ မေလက Ineos camp မှာ ယုံကြည်မှုတိုးလာခဲ့ပါတယ်။
ရက်ကလစ်ဖ်ရဲ့ အကြံပြုချက်တွေထဲက တစ်ခုက သူဝယ်ယူလိုတဲ့ ယူနိုက်တက် ရာခိုင်နှုန်းကို လျှော့ချဖို့ဖြစ်ပြီး ဂလေဇာရှယ်ယာအားလုံးအတွက် ကနဦး ၆၉ ရာခိုင်နှုန်းကနေ ရာခိုင်နှုန်း ၅၀ ကျော်အထိ ပါဝင်ပတ်သက်မှုတချို့ကို ပူးတွဲဥက္ကဌတွေဖြစ်တဲ့ ဂျိုးနဲ့ အာဗန်ဂလေဇာတို့ ဆက်လက်ထိန်းသိမ်းထားနိုင်ခွင့်ရှိမယ်လို့ နားလည်ထားပါတယ်။
ဒါပေမယ့်လည်း ဂလေဇာမိသားစုဟာ ယူနိုက်တက်ရဲ့ အနာဂတ်ဦးတည်ချက်နဲ့ ပတ်သက်လို့ ဘယ်အချိန်မှာ ဆုံးဖြတ်ချက်ချမလဲဆိုတာကိုတော့ အရိပ်အယောင်မတွေ့ရပါဘူး။
၏သူတို့ဟာ ၂၀၀၅ ခုနှစ်မှာ ကလပ်ကို ပေါင်သန်း ၇၉၀ ဖြင့် ဝယ်ယူခဲ့ပြီး အဲဒီအတွက် တန်ကြေး ပေါင် ၅ ဘီလီယံနဲ့ ပေါင် ၆ ဘီလီယံကြား တန်ကြေး သတ်မှတ်ထားပါတယ်။
(BBC)
