မြန်မာ့နွေဦးတော်လှန်ရေးမှာ စိုးရိမ်ရမယ့်အချက်က တရုတ်၊ ထိုင်းနဲ့ အိန္ဒိယနိုင်ငံတွေ ကန့်လန့်ခံနေတဲ့ ကိစ္စ ဖြစ်တယ်လို့ မြန်မာ့အရေးနဲ့ပတ်သက်ပြီး ကျွမ်းကျင်သူ အီဂေါဗလာဇီဗစ်က ထောက်ပြထားပါတယ်။
တော်လှန်ရေးအင်အားစုတွေ အနေနဲ့ ဒေါ်အောင်ဆန်းစုကြည်ကို စစ်ကောင်စီက နေပြည်တော် အကျဉ်းထောင်ကနေ နေအိမ်ကိုပြောင်းရွှေ့လိုက်ပြီး တွေ့ဆုံဆွေးနွေးရေးကိစ္စ ထွက်ပြောလာမှာကို စိုးရိမ်မနေသင့်ဘဲ တရုတ်၊ ထိုင်းနဲ့ အိန္ဒိယနိုင်ငံတွေ ဝင်ရှုပ်မယ့်ကိစ္စကိုပဲ စိတ်ပူသင့်တယ်လို့ သူက ဆိုထားပါတယ်။
