ဇွန် ၃
မြဝတီမြို့မှသည် ကော့ကရိတ်မြို့ဘက်သို့မောင်းနှင်လာသော ဆယ်ဘီးတွဲကားတစ်စင်း ကြာသပတေးနေ့ နံနက်အစောပိုင်းတွင် တိမ်းမှောက်မှုဖြစ်ရာ ယာဉ်ပေါ်လိုက်ပါလာသူနှစ်ဦး သေဆုံးသွားခဲ့သည်။
ကရင်ပြည်နယ်တွင်း အာရှလမ်းမကြီး၏ နတ်စင်ကွေ့တွင် နံနက် ၅ နာရီခန့်က တိမ်းမှောက်မှုကြောင့် ယာဉ်မောင်းနှင့် ယာဉ်အကူတို့ သေဆုံးခဲ့ရခြင်းဖြစ်သည်။
ဓါတ်ပုံ- အာရှလမ်းမကြီး နတ်စင်ကွေ့တွင် ယာဉ်တိမ်းမှောက်ရာ ယာဉ်မောင်းနှင့် ယာဉ်နောက်လိုက်တို့ သေဆုံးသွားသည်။
“ တစ်ဦးကတော့ ကယ်နေတဲ့ အချိန်အသက်ရှိသေးတယ်၊ ကားပေါ် ရောက်တော့မှ ဆုံးသွားတယ်။ ဆေးရုံရောက်တော့ ဆုံးသွားပြီလို့ အတည်ပြုတယ်။ ယာဉ်မောင်းကတော့ အခင်းဖြစ်တဲ့နေရာမှာပဲ ကားနဲ့ပိပြီးတော့ ကျန်ခဲ့တာပေါ့။ ကရိန်းကားအကူအညီနဲ့ မီးသတ်တပ်ဖွဲ့က ရှာဖွေကယ်ဆယ်ရေးလုပ်တော့ထုတ်ယူလို့မရတာနဲ့ ကရိန်းကားနဲ့ ကားကို မထုတ်တော့ သူကအသက်မရှိတော့ပါဘူး။” ဟု ကော့ကရိတ်အခြေစိုက်ပုလဲဖြူလူမှုကူညီရေးအဖွဲ့က မဇ္ဈိမကို ပြောသည်။
