ဆိုးလ်၊ သြဂုတ် ၈ ။ ။ တရုတ်နိုင်ငံ၏ တားမြစ်ပိတ်ပင်ထားသော ကိုရီးယားအနုပညာရှင်များစာရင်းသည် အွန်လိုင်းတွင် ပေါက်ကြားခဲ့ကြောင်း တရုတ်မီဒီယာ Sina က သတင်းထုတ်ပြန်သည်။
နာမည်ကျော်ကြားသော အနုပညာရှင်များ တားမြစ်မှုအမိန့်ထုတ်ပြန်ချက်သည် တရုတ်နိုင်ငံတွင် ကိုရီးယားဇာတ်ကားများ နှင့် ကိုရီးယားအနုပညာရှင်များ၏လှုပ်ရှားမှုများကို တားမြစ်သည့် အမိန့်ဖြစ်သည်။ နာမည်ကျော်ကြားသော အနုပညာရှင်များ တားမြစ်မှုအမိန့်တွင် ပါဝင်သော ထုတ်လုပ်ရေး ၅၃ ခုနှင့် ကိုရီးယား အနုပညာရှင်များနာမည်များ အွန်လိုင်းတွင် ပေါက်ကြားခဲ့ကြောင်း Sina က ကြေညာခဲ့သည်။
တားမြစ်ထားသော စာရင်းတွင် “ Saimdang”ဇာတ်ကား ၊ လီယောင်အေး ပါဝင်သရုပ်ဆောင်ထားသော “Light’s Diary” ဇာတ်ကား ၊ လီဂျောင်ဆွတ်ခ် ပါဝင်သရုပ်ဆောင်ထားသော “ Jade Lovers” ဇာတ်ကား ၊ ယိုအင်နာ ပါဝင်သရုပ်ဆောင်ထားသော “ Love Weaves Through A Millennium” ဇာတ်ကား ၊ ဂျီချောင်ဝုခ် ပါဝင်သရုပ်ဆောင်ထားသော “ Mr. Right” ဇာတ်ကား ၊ “ Graduation Season” ဇာတ်ကား ကဲ့သို့သော ကိုရီယား - တရုတ် ပူးပေါင်းထုတ်လုပ်သည့် ဒရမ်မာဇာတ်ကားများ ပါဝင်သည်။
တရုတ် ရုပ်မြင်သံကြားလုပ်ငန်းက ကိုရီးယားဇာတ်ကားများကို တားမြစ်ထားကြောင်း Sina ကပြောကြားသည်။ “ Saimdang” နှင့် “ Light’s Diary” ဒရမ်မာဇာတ်ကားများသည် တရုတ်နိုင်ငံတွင် ထုတ်လွှင့်ပြသခွင့်မရှိကြောင်း နှင့် Hunan ရုပ်မြင်သံကြား၏ “ Whirl Whirl Girl2” အစီစဉ်တွင် မင်းသား ဂျီချောင်ဝုခ် ပါဝင်သရုပ်ဆောင်ထားသော အပိုင်းသည်လည်း ပယ်ဖျက်သွားမည်ဖြစ်ကြောင်း Sinaသတင်းဌာနက ပြောကြားသည်။
လက်ရှိအချိန်တွင် စာရင်း ဘယ်လိုပေါက်ကြားခဲ့သည်ကို မသိရှိရသေးကြောင်း နှင့် တရုတ်နိုင်ငံပိုင် ရေဒီယို ၊ ရုပ်ရှင် နှင့် ရုပ်မြင်သံကြား ကွပ်ကွဲမှုဌာနသည် မည်သည့် ရပ်တည်ချက် သဘောထားကိုမျှ ကြေညာထုတ်ပြန်ခြင်းမရှိသေးပေ။