ဇွန် ၂၁
မွန်ပြည်နယ် မော်လမြိုင်မြို့ကျောက်မီးသွေးရုံမီးပွိုင့်အနီး ဇွန်လ ၂၀ ရက်နေ့ ည ၈နာရီခွဲအချိန်ခန့်က အကြမ်းဖက်စစ်တပ်ဖွဲ့ဝင်များက ဆိုင်ကယ်စီးနင်းလာသည့်အမျိုးသား နှစ်ဦးကို သေနတ်ဖြင့်ပစ်ခတ်မှုကြောင့် ကားလမ်းမအလယ်တွင်သေဆုံးသွားခဲ့ကြောင်း ဒေသခံတွေကဆိုပါတယ်။
“မနေ့ကညပိုင်းကဖြစ်တာပါ။ စစ်ကောင်စီတပ်ဖွဲ့ဝင် ၂၀ လောက်က ကျောက်မီးသွေးရုံမီးပွိုင့်အနီးမှာ တားဆီးစစ်ဆေးနေတာ ကောင်လေးနှစ်ယောက်ကဆိုင်ကယ်မရပ်ပေးလို့ ပစ်တာလို့ကြားတယ် “ ဟု ဒေသခံတွေကဆိုပါတယ်။
မြန်မာ့စစ်တပ်တပ်ဖွဲ့ဝင်တွေ သေနတ်ဖြင့် ပစ်ခတ်ခံခဲ့ရသည့် အမျိုးသားနှစ်ဦးမှာ လမ်းမ အလယ်တွင် ပစ်ထားခဲ့ပြီး လူမှုကူညီရေးအသင်းက သွားရောက် ကူညီလုပ်ဆောင်ပေးရာ တွင်လည်း အသံတိတ်ဖြင့် ရင်ခွင်ရုံကို ပို့ဆောင်ပေးခဲ့ကြောင်း သိရပါတယ်။
သေဆုံးသွားခဲ့ရသည့်အမျိုးသားနှစ်ဦးမှာ ဘီးလူးကျွန်းအဘစ်ကျေးရွာနေ ကိုမိုးဇော်ဦး နှင့် ကိုဇော်မင်းဦး တို့ဖြစ်ကြကြောင်း သိရပါတယ်။
အာဏာသိမ်းစစ်ကောင်စီက မော်လမြိုင်မြို့ ကို ည၁၀နာရီမှာ နံနက် ၄နာရီအထိ ညမထွက်ရအမိန့် ထုတ်ပြန်ထားပါတယ်။
