မေ ၂၉
ရန်ကုန်တိုင်းဒေသကြီး အမျိုးသားယဉ်ကျေးမှုနဲ့ အနုပညာတက္ကသိုလ် (ရန်ကုန်)မှ CDM ပြုလုပ်သည့် ဆရာ ဆရာမ ၃၈ဦးကို အလုပ်မှ ထုတ်ပယ်လိုက်ကြောင်း စစ်ကောင်စီက မေ၂၆ရက်စွဲဖြင့် စာပို့ခဲ့ကြောင်း သိရသည်။
အဆိုပါ ထုတ်ပြနကြေညာချက်တွင် ဂီတဌာနမှ ဆရာ ဆရာမ ၁၁ဦး ၊ သဘင်ဌာနမှ ရှစ်ဦး၊ ပန်းချီဌာနမှ လေးဦး၊ ပန်းပုဌာနမှ နှစ်ဦး ၊ ရုပ်ရှင်နှင့် ပြဇာတ်ဌာနမှ သုံးဦး၊ သင်တန်းရေးရာဌာနမှ နှစ်ဦးနှင့် စီမံရေးရာဌာနခွဲမှ ရှစ်ဦးတို့ ကို ထုတ်ပယ်ခဲ့ခြင်းဖြစ်သည်။
အဆိုပါစာရင်းထဲတွင် မပါရှိသေးသည့် CDMပြုလုပ်နေသည့် ဆရာ ဆရာမများလည်း ရှိသေးကြောင်း သိရသည်။
" ဒါတွေက ကြိုတွေးပြီးသားပါ။နှစ်ပေါင်း ၂၀ ကျော် ဖက်တွယ်လာခဲ့တော့ စိတ်ထဲတမျိုးဖြစ်တာပေါ့။ ပြီးတော့ ဆရာတို့က လူနည်းစုလေ ရင်းနှီးမှုကလွယ်တယ်။ ဒါပေမယ့် ကိုယ်စွန့်လိုက်တာက အသက်စွန့်လိုက်ရတဲ့ သူတွေနဲ့ယှဉ်ရင် ဘာမှမဟုတ် တော့ဘူး ''ဟု အလုပ်ထုတ်ပယ်ခဲ့ရသည့် ဆရာ တစ်ဦးက ပြောသည်။
ထို့အပြင် အလုပ်ထုတ်ပယ်စာနှင့်အတူ Non-CDM ပြန်လုပ်သည့် ဆရာ ဆရာမများကို အလုပ်ပြန်ဝင်ရန် စာထုတ်ပြန်ခဲ့ကြောင်းလည်း သိရသည်။
