မလေးရှားဝန်ကြီးချုပ်က ဒေသအတွင်းနဲ့ ကမ္ဘာ့ရေးရာကိစ္စများအပြင် မြန်မာနိုင်ငံရေးပဋိပက္ခများကို ဖြေရှင်းနိုင် အောင် ကမ္ဘောဒီးယားဝန်ကြီးချုပ်ဟွန်ဆန်နဲ့အတူ ပူးပေါင်းဆောင်ရွက်မှုများ ဆက်လက်လုပ်ဆောင်သွားမှာဖြစ် ကြောင်း ထုတ်ဖော်ပြောဆိုလိုက်ပါတယ်။
မလေးရှားဝန်ကြီးချုပ် အီဘရာဟင်ဟာ ကမ္ဘောဒီးယားနိုင်ငံကို ချစ်ကြည်ရေး ခရီးသွားရောက်ပြီးနောက် ဝန်ကြီးချုပ်ဟွန်ဆန်နဲ့ တွေ့ဆုံဆွေးနွေးမှုများ လုပ်ဆောင်ခဲ့ကြောင်းသိရပါတယ်။
မလေးရှားဝန်ကြီးချုပ်က " ကမ္ဘောဒီးယားနိုင်ငံရဲ့ နိုင်ငံရေးအရှုပ်အထွေးတွေက မြန်မာနိုင်ငံမှာ လက်ရှိဖြစ်နေတဲ့အခြေအနေများထက် ပိုမိုရှုပ်ထွေးပါတယ်။
လာမယ့်အာဆီယံထိပ်သီးအစည်းအဝေးမှာ ကမ္ဘောဒီးယားဝန်ကြီးချုပ်ဟွန်ဆန်ကို အားပေးထောက်ခံသွားမှာဖြစ်ပါတယ်။
ဟွန်ဆန်ဟာ လာမယ့် အာဆီယံ ထိပ်သီးအစည်းအဝေးမှာ ပိုမိုကောင်းမွန်တဲ့မူဘောင်များ ချမှတ်နိုင်ဖို့ အကြံဉာဏ်ကောင်းတွေ ပေးနိုင်မယ်လို့ မျှော်လင့်ပါတယ်" လို့ ပြောပါတယ်။