ဇူလိုင် ၁၁
စစ်ကိုင်းတိုင်း၊ ကသာခရိုင်၊ အင်းတော်မြို့နယ် မော်လူးဒေသတွင် ဒေသကာကွယ်ရေးတပ်ဖွဲ့မှ ကျပ် ၇၂ သိန်းကျော်တန်ဖိုးရှိသည့် မူးယစ်ဆေးဝါးများကို ဇူလိုင်လ ၉ ရက်နေ့ ညနေပိုင်း၌ ဖမ်းဆီးရမိခဲ့ကြောင်း သိရသည်။
“ ဆေးရောင်းတဲ့အိမ်ကို ဝင်ဖမ်းတာဗျ၊ ဖိုးတစ်မျိုးပဲ။ ဆေးတန်းဖိုးက ၇၂ သိန်းကျော်ဗျ။ ဖမ်းတော့ အဲ့အိမ်အဆက်နဲ့ လက်ကားရောင်းတဲ့သူတွေကို တစ်ဆင့်ပြန်ဖမ်းခဲ့တာပါ ” ဟု မော်လူးပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။
ဖမ်းဆီးရမိသည့်မူးယစ်ဆေးဝါးများကို မီးရှို့ဖျက်ဆီးခဲ့ပြီး ရောင်း၊ ဝယ်သူများကိုလည်း အထူးသတိပေးဆုံးမကာ ပြန်လွှတ်ပေးခဲ့သည်ဟု မော်လူးပြည်သူ့ကာကွယ်ရေးတပ်ဖွဲ့ ထံမှ သိရသည်။
အင်းတော်မြို့နယ်အတွင်း မူးယစ်ဆေးဝါးများ ရောင်းဝယ်မှုထံမံမပြုလုပ်ရန်နှင့် ပိုမိုဆိုးရွားလာပါက ပြင်းထန်သည့်ပစ်ဒဏ်များ ချမှတ်သွားမည်ဟုလည်း မော်လူးပြည်သူ့ကာကွယ်ရေးတပ်ဖွဲ့မှ သတိပေး ထားသည်။