အိန္ဒိယတွင် ထင်ရှားသည့် အောင်မြင်မှုတစ်ခုအဖြစ် အသက် ၁၅ နှစ်မှ ၁၈ နှစ်အထိ လူငယ်များကို ကိုဗစ်-၁၉ ကာကွယ်ဆေး ၂ လုံးထိုးပြီး ဖြစ်သည်။
ကျန်းမာရေးဝန်ကြီး မန်ဆူခါမန်ဒါဝီရက ၎င်း၏ တွစ်တာတွင် “အိန္ဒိယလူငယ်တွေအတွက် သမိုင်းဝင် အောင်ပွဲခံတာပါပဲ။ အသက် ၁၅ နှစ်မှ ၁၈ နှစ်အထိ လူငယ် ၁ ကုဋေကျော်ကို ကိုဗစ်ကာကွယ်ဆေး ထိုးပေးပြီး ဖြစ်ပါတယ်” ဟု ရေးသားခဲ့သည်။
အဆိုပါ အသက်အရွယ်အုပ်စုအား ကာကွယ်ဆေး ထိုးနှံခြင်းကို ယခုနှစ် ဇန်နဝါရီ ၃ ရက်တွင် စတင်ခဲ့ခြင်း ဖြစ်သည်။
သက်ဆိုင်ရာ ပြည်နယ် ကျန်းမာရေးဌာနများမှ ကောက်ယူထားသည့်ကိန်းဂဏန်းများအရ အိန္ဒိယတွင် ကိုဗစ်ကာကွယ်ဆေးထိုးပြီးသူ ၁၇၀ ဒသမ ၈၇ ကုဋေကျော် ရှိသွားပြီ ဖြစ်သည်။
အိန္ဒိယတွင် တစ်နိုင်ငံလုံးကို ကာကွဆေးထိုးနှံမှုကို ၂၀၂၁ ခုနှစ်၊ ဇန်နဝါရီလ၌ စတင်ခဲ့ပြီး အစီအစဉ်ကို တိုးချဲ့ လုပ်ဆောင်သွားမည်ဖြစ်သည်။
