ဖေဖော်ဝါရီ ၁၄

ရန်ကုန်တိုင်း၊ မင်္ဂလာဒုံမြို့နယ်၊ အောင်မင်္ဂလာအဝေးပြေးကားဝင်းရှိHigh Class ကားဂိတ်တွင် ယနေ့ (ဖေဖော်ဝါရီ ၁၄ရက်နေ့) ၁၀နာရီခွဲအချိန်တွင် ပါဆယ်ထုတ်မှဗုံးပေါက်ကွဲမှုဖြစ်ခဲ့ကြောင်းသိရသည်။

''ဟုတ်ပါတယ်။လမ်းဖြတ်ကနေတင်လာတဲ့ပါဆယ်ထုတ်ကနေပေါက်ကွဲမှုဖြစ်ခဲ့တာပါ။ရန်ကုန်ကားဂိတ်ကိုရောက်ပြီးပစ္စည်းတွေချတဲ့အချိန်ထိလည်းဘာမှမဖြစ်သေးဘူး၊ ကုန်တွေကို အောင်ဆန်းကွင်းဂိတ်ကိုပို့ဖို့အတွက်ကုန်ပြောင်းလုပ်နေတဲ့အချိန်မှာပေါက်ကွဲမှုဖြစ်ပွားခဲ့တာပါ။ ကံကောင်းတယ်ပြောရမှာက လူတွေကိုထိခိုက်မှုမရှိခဲ့ဘူး''ဟု ကားဂိတ်နှင့်နီးစပ်သူတစ်ဦးမှပြောသည်။

အနယ်နယ်အရပ်ရပ်မှHigh Class ကားဖြင့် ပို့ဆောင်လာသည့်ကုန်ပစ္စည်းများကို အောင်မင်္ဂလာအဝေးပြေးကားဂိတ်မှတဆင့် အောင်ဆန်းကွင်းရှေ့ဘက်ခြမ်းရှိ ဖဆပလတိုက်ခန်းများရှေ့တွင်ရှိသောဂိတ်ခွဲတွင်ပြန်လည်ပို့ဆောင်ပေးခြင်းဖြစ်သည်။

သည့်အပြင်ယမန်နေ့ ည ၈နာရီ ၃မိနစ်ခန့်က ကလည်း အောင်မင်္ဂလာကားဝန်းရှေ့ရှိ စစ်ထောက်လှမ်းရေးတပ်စစ်ကြောရေးစခန်းကို Dictator Revolt Fornt ( D.R.F ) က၄၀မမ ဗုံးပစ်လောင်ချာဖြင့် ပစ်ခတ်တိုက်ခိုက်ခဲ့​ကြောင်း သိရှိရသည်။